MIRZO ULUG‘BEK NOMIDAGI O‘ZBEKISTON MILLIY UNIVERSITETI JIZZAX FILIALI

Filialimiz talabasi “Yil talabasi-2020” Respublika tanlovining laureanti

Joriy yilning 16 fevral kuni Samarqand shahri “Yoshlar markazi”da Oliy va o‘rta maxsus taʼlim vazirligi tomonidan “Oliy taʼlim muassasalari talabalari o‘rtasida o‘tkazilgan “Yil talabasi” Respublika tanlovi g‘oliblarni taqdirlash marosimi oʼtkazildi. Tadbirni tashkil etishda Oliy va o‘rta maxsus taʼlim vazirligi hamda vazirlik huzuridagi “Maʼnaviyat va maʼrifat” markazi, Madaniyat vazirligi, Fanlar akademiyasi, Jismoniy tarbiya va sport vazirligi, Innovatsion ishlanmalarni joriy etish ilmiy-amaliy markazi, Savdo-sanoat palatasi, O‘zbekiston yoshlar ittifoqi Markaziy Kengashi va Toshkent shahridagi Inha universiteti masʼul xodimlaridan tashkil topgan Ishchi guruhi aʼzolari faol ishtirok etishdi.

 

Tanlovning birinchi bosqichi – oliy taʼlim muassasalarida joriy yilning 30 sentyabrdan 31 oktyabrigacha o‘tkazildi. Mazkur bosqichda jami 7000 dan ortiq talaba-yoshlar faol ishtirok etib, shundan oliy taʼlim muassasalardan jami 427 ta hujjat respublika bosqichiga saralandi. Shuningdek, tanlovning yakuniy bosqichida Ishchi guruhi aʼzolari tomonidan onlayn tarzda oʼtkazildi.

Mazkur tanlovda Tashkiliy qo‘mitaning yakuniy xulosaga koʼra 21 nafar talaba g‘oliblikni qo‘lga kiritishdi. Shu jumladan, Prezidentimiz Shavkat Mirziyoyevning 2020 yilning 25 dekabr kuni boʼlib oʼtgan “Yoshlar forumi” da yoshlarni yanada qo‘llab-quvvatlash hamda ularni rag‘batlatirish fikrlariga muvofiq Tashkiliy qo‘mita tomonidan 14 nafar talaba lauriyat va 6 nafar talaba faxriy yorliq bilan taqdirlanadi.

 

 

 O‘zMU Jizzax filiali Amaliy matematika fakulteti 2-bosqich talabasi Raxmatov Dilmurod tanlovning “Yilning o‘z mutaxassisligi bo‘yicha eng bilimdon talabasi” yo‘nalishida tanlovning laureanti sifatida g‘olib talabalar o‘rnidan joy oldi. Tanlovda g‘olib bo‘lgani iqtidorli talabalar pul mablag‘i, maxsus diplom va plaketkasi bilan mukofotlanadi.