Kafedra 2019-yil avgust oyida “Amaliy matematika va informatika” kafedrasi nomi bilan tashkil etilgan. 2021-yil noyabr oyidan boshlab,  ushbu kafedra tarkibidan “Amaliy matematika” kafedrasi, keyinchalik esa “Axborot tizimlari va texnologiyalari” kafedrasi ajralib chiqqach, “Kompyuter ilmlari va dasturlashtirish” kafedrasi deb qayta nomlangan.

Kafedraning 2024/2025 o‘quv yili uchun o‘quv yuklamasi bo‘yicha shtat birligi 18 ni tashkil etib, 19 nafar professor-o‘qituvchi faoliyat ko‘rsatadi. Ulardan 2 nafari fan doktori professor, 6 nafari (PhD), dotsent bo‘lib, kafedraning ilmiy salohiyati 44,5 foizni tashkil etadi.

Mirzo Ulug‘bek nomidagi O‘zbekiston Milliy Universiteti Jizzax filiali “Kompyuter ilmlari va dasturlashtirish” kafedrasi 2019-yilning avgust oyida tashkil etilgan bo'lib, unda hozirda 19 nafar professor-o'qituvchi ishlaydi. Kafedraga hozirgi davrda Dotsent (PhD), Umarov Xasan Abdullayevich mudiri etib tayinlandi.

Kafedrada quyidagi yo‘nalishlar bo‘yicha mutaxassislar tayyorlanadi:

Bakalavr

1. 60610100 - Kompyuter ilmlari va dasturlash texnologiyalari (yo‘nalishlar bo‘yicha)

2. 60610300 – Axborot xavfsizligi (Sohalar bo‘yicha)

3. 60610600- Dasturiy injiniring

Magistratura

1. 70610401 – Dasturiy injiniring

2. 70610302 - Axborot xavfsizligi (Sohalar bo‘yicha)

60610100 - Kompyuter ilmlari va dasturlash texnologiyalari (yo’nalishlar bo’yicha) yo‘nalishi bo‘yicha bakalavr diplomiga ega bo‘lgan talabalar quyidagi mutaxassisliklar bo‘yicha ishlashi mumkin:

60610100 – Kompyuter ilmlari va dasturlash texnologiyalari (yo‘nalishlar bo‘yicha) ta’lim yo‘nalishi bo‘yicha bakalavrlar kasbiy faoliyatlarining obyektlari:

· O‘zbekiston Respublikasi Fanlar akademiyasi va tarmoq ilmiy-tadqiqot institutlarida;

· davlat va nodavlat tashkilot, korxona va muassasalar, kompaniyalar (firmalar), ishlab chiqarish birlashmalari va boshqalar;

· axborot tizimlari va tarmoqlari;

· matematika, axborot va dasturiy ta’minot;

· turli sohalardagi axborot tizimlarining dasturiy va texnik vositalarini loyihalash metodlari va yo‘llari, sozlash, ishlab chiqish va foydalanish;

· oliy va o‘rta maxsus ta’lim vazirligi tasarrufidagi kasb-hunar kollejlari va akademik litseylarda, umumiy o‘rta ta’lim maktablarida informatika fanidan pedagogik faoliyat.

60610100 – Kompyuter ilmlari va dasturlash texnologiyalari (yo‘nalishlar bo‘yicha) ta’lim yo‘nalishi bo‘yicha bakalavrlarni bitiruvchilar pedagogik qayta tayyorlashdan o‘tgandan keyin, professional ta’lim muassasalarida ta’limning boshqaruv organlari tomonidan aniqlanadigan umumkasbiy va ixtisoslik fanlarini o‘qitish bo‘yicha pedagogik faoliyat bilan shug‘ullanish huquqiga ega bo‘ladi.

Mutaxassisliklar:

1. Ma’lumotlar analitigi (Data Analyst)

2. Dasturchi (Software Developer, Python Developer, Java Developer, va h.k.)

3. Sun’iy intellekt va mashinaviy o‘rganish mutaxassisi

4. Moliyaviy tahlilchi (Financial Analyst)

5. Universitet va ilmiy-tadqiqot institutlarida o‘qituvchi yoki tadqiqotchi

6. Bank va moliya sohasida mutaxassis

7. Texnik va muhandislik sohalarida ekspert

8. Kiberxavfsizlik bo‘yicha mutaxassis

Qayerda ishlashlari mumkin?

· IT kompaniyalarida (Google, EPAM, iTechArt, va boshqa startaplarda)

· Bank va moliya institutlarida (O‘zmilliybank, Xalq banki, Kapitalbank, Markaziy bank)

· Sug‘urta kompaniyalarida

· Ilmiy-tadqiqot institutlarida (O‘zR FA, universitetlar)

· Dasturiy ta’minot ishlab chiqaruvchi firmalarda

· Sanoat va muhandislik kompaniyalarida

· Katta ma’lumotlar (Big Data) bilan ishlovchi firmalarda

· Davlat statistika qo‘mitasi, IT Park va boshqa davlat tashkilotlarida

60610100 – Kompyuter ilmlari va dasturlash texnologiyalari (yo‘nalishlar bo‘yicha) yo‘nalishi bakalavr talabalari uchun asosiy fanlar quyidagilardan iborat:

• Algoritmik tillar va dasturlashtirish.

• Axborot asoslari.

• Algoritmlar va berilganlar strukturasi. 

• Axborot tizimlari.

• Algoritmik tillar va dasturlash.

• Dasturlashtirish texnologiyalari.

• Matematik modellashtirish.

• Multimedia texnologiyalari.

• Kriptografiyaning matematik asoslari.

• Kompyuter oʻyinlarini yaratish.

• Tizimli dasturlash.

• Informatika oʻqitish metodikasi.

• Python dasturlash tili.

• Web dasturlash.

60610600- Dasturiy injiniring yo‘nalishi bo‘yicha bakalavr diplomiga ega bo‘lgan talabalar quyidagi mutaxassisliklar bo‘yicha ishlashlari mumkin:

Davlat va nodavlat korxonalar, tashkilotlar, muassasalar, davlat boshqaruv organlarida axborot-kommunikatsiya texnologiyalari sohasida dasturiy injiniring bo‘yicha kompleks masalalarni yechish, O‘zbekiston Respublikasi Fanlar akademiyasi va tarmoq ilmiy-tadqiqot institutlari, ilmiy-tadqiqot markazlari, ilmiy-ishlab chiqarish birlashmalarida ilmiy-tadqiqot ishlarida ishtirok etishni o‘z ichiga oladi.

Kasbiy faoliyatlarining obyektlari:

· avtomatlashtirilgan va kompyuter tizimlarining matematik va dasturiy ta’minoti;

· avtomatlashtirilgan loyihalash tizimlari;

· axborotni qayta ishlash, mikroprotsessorli tizimlarning dasturiy ta’minoti;

· dasturiy mahsulotlar va hisoblash texnikasini apparat vositalarini ishlab chiqarishga joriy etish va foydalanishning samarali jarayonlari;

· axborot-kommunikatsiya tizimlarini va texnologiyalari texnik va dasturiy vositalarini loyihalash, sozlash, ishlab chiqarish va amaliyotga tatbiq qilish jarayonlari;

· Davlat interaktiv xizmatlari elektron hukumat tizimlarida elektron xujjat aylanishi va ma’lumotlar bazalarida axborot almashinishini shakllantirish;

60610600 – Dasturiy injiniring ta’lim yo‘nalishi bakalavrlari ta’lim yo‘nalishi bo‘yicha bitiruvchilar pedagogik qayta tayyorlashdan o‘tgan taqdirda maktabgacha va maktab ta’limi tashkilotlarida, professional ta’lim muassasalarida ta’limning vakolatli boshqaruv organlari tomonidan aniqlanadigan umumkasbiy va ixtisoslik fanlarini o‘qitish bo‘yicha pedagogik faoliyati bilan shug‘ullanish huquqiga ega bo‘ladi.

60610600 – Dasturiy injiniring ta’lim yo‘nalishi bakalavr talabalari uchun asosiy fanlar quyidagilardan iborat:

• Dasturlash 1,2 .

• Ma’lumotlar bazasi.

• Algoritmlar va berilganlar strukturasi. 

• Kiberxavfsizlik asoslari.

• Elektronika va sxemalar.

• Dasturlashtirish texnologiyalari.

• Diskret tuzilmalar.

• Sun’iy intellekt asoslari.

• Ehtimollik va statistika.

• Individual loyioha.

• Ma’lumotlar tuzilmasi va algoritmlar.

• Python dasturlash tili.

• Algoritmlarni loyihalashtirish

• Dasturiy ta’minot tizimlarini loyihalash

• Dasturiy injiniringga kirish

• Operatsion tizimlar

• Dasturiy ta’minotni testlash

• Dasturiy ta’minot arxitekturasi

60610300 – Axborot xavfsizligi (Sohalar bo‘yicha) yo‘nalishi bo‘yicha bakalavr diplomiga ega bo‘lgan talabalar quyidagi mutaxassisliklar bo‘yicha ishlashlari mumkin:

60610300 – Axborot xavfsizligi (Sohalar bo‘yicha) – Kompyuter texnologiyalari va informatika sohasining yo‘nalishi bo‘lib, axborot-kommunikatsiya tizimining davlat va nodavlat korxonalari, tashkilotlar, davlat boshqaruv organlarida axborot-kommunikatsiya texnologiyalariga doir kompleks masalalar majmuasini qamrab oladi. Ushbu yo‘nalish bo‘yicha texnika va texnologiyalarning zamonaviy totuqlari, kadrlar buyurtmachilarining talablaridan kelib chiqib, o‘quv jarayonini kasbiy faoliyat sohalariga yo‘naltirish va o‘zgartirish mumkin.

60610300 – Axborot xavfsizligi (Sohalar bo‘yicha) ta’lim yo‘nalishi bo‘yicha bakalavrlar kasbiy faoliyatlarining sohalari:

· axborot texnologiyalarining xavfsizligini boshqarish, mualliflashtirish vositalari, protsedura va standartlari;

· axborotda tahdid mavjud bo‘lgan axborotlashtirilgan ob’ektlar, axborot tizimlari xavfsizligini ta’minlash bo‘yicha choralar;

· himoyalanayotgan ob’ektlarning axborot xavfsizligi jarayonini boshqarish;

· kompyuter tizimlari va tarmoqlari xavfsizligi, mobil tizimlar xavfsizligi avtomatlashtirilgan tizimlarning axborot xavfsizligi, ma’lumotlar bazasi xavfsizligini ta’minlash;

· axborot tizimlarining axborot xavfsizligi tizimlarini loyihalash, xavfsizlik vositalarini sozlash, axborot xavfsizligini ta’minlashda foydalaniladigan dasturiy-apparat vositalarini ishlab chiqish va amaliyotga tatbiq etish jarayonlari;

· axborot xavfsizligining dasturiy mahsulotlarini amaliyotga joriy etish va axborot xavfsizligi tizimlarining samaradorligini oshirish jarayonlari;

· ilmiy-tadqiqot jarayoni.

60610300 – Axborot xavfsizligi (Sohalar bo‘yicha) ta’lim yo‘nalishi bo‘yicha bakalavrlar bitiruvchilari pedagogik qayta tayyorlashdan o‘tgandan keyin, professional ta’lim muassasalarida ta’limning vakolatli boshqaruv organlari tomonidan aniqlanadigan umumkasbiy va ixtisoslik fanlarini o‘qitish bo‘yicha pedagogik faoliyati bilan shug‘ullanish huquqiga ega bo‘ladi.

60610300 – Axborot xavfsizligi (Sohalar bo‘yicha) yo‘nalishi bakalavr talabalari uchun asosiy fanlar quyidagilardan iborat:

• Dasturlash 1,2.

• Ma’lumotlar bazasi.

• Individual loyiha. 

• Kiberxavfsizlik asoslari.

• Elektronika va sxemalar1.

•Kompyuter tarmoqlari.

• Diskret tuzilmalar.

• Sun’iy intellekt asoslari.

• Ehtimollik va statistika.

• Foydalanishlarni boshqarish.

• Ma’lumotlar tuzilmasi va algoritmlar.

• Python dasturlash tili.

• Tarmoq xavfsizligi

• Dasturiy vositalar xavfsizligi

• Kriptografiya usullari

• Risklarni boshqarish

• Kiberhiquq va kiber etika

70610401 – Dasturiy injiniring magistratura yo‘nalishi bitiruvchilari:

Magistratura darajasini olgan talabalar chuqurlashtirilgan nazariy va amaliy bilimlarga ega bo‘lib, quyidagi mutaxassisliklar bo‘yicha faoliyat yuritishlari mumkin:

70610401 – Dasturiy injiniring – “Axborot-kommunikatsiya texnologiyalari” ta’lim sohasiga oid mutaxassislik bo‘lib, u barcha ta’lim muassasalarida mutaxassislikka oid fanlarni o‘qitish, O‘zbekiston Respublikasi Fanlar akademiyasi va tarmoq ilmiy tadqiqot institutlari, ilmiy ishlab chiqarish birlashmalari ilmiy tadqiqot faoliyatini yuritish, texnika, iqtisod va boshqarish masalalarini axborot modellashtirish asosida foydalangan holda yechish va ularning dasturiy ta’minotini yaratish, texnika, iqtisod va boshqarish masalalarini yechishning samarali metodlarini yaratish, rivojlantirish orqali amalga oshirish, turli mulkchilik shakllarida ishlab chiqarish va xizmat ko‘rsatish korxonalarida, davlat boshqaruvi organlarida har xil shakldagi mulk, sanoat, transport, kommunikatsiya korxonalarida axborot tizimlari va biznes tashkilotlarida mutaxassislikka oid kompleks masalalar majmuasini qamrab oladi.

70610401 – Dasturiy injiniring mutaxassisligi bo‘yicha magistrlar kasbiy faoliyatlarining ob’ektlari:

· oliy ta’lim, qayta tayyorlash va malaka oshirish, professional ta’lim muassasalarida pedagogik faoliyat;

· Fanlar akademiyasi va tarmoq ilmiy-tadqiqot institutlari va markazlarida hamda oliy ta’lim muassasalarida ilmiy-tadqiqot faoliyati va jarayonlar;

· inson faoliyatining turli sohalarda tatbiq qilish maqsadida tatbiqiy dasturiy ta’minot elementlarini ishlab chiqarish hamda amalga oshirish jarayonlari;

· inson faoliyatining turli ilm va iqtisodiy sohalarda tatbiqiy masalalarni hisoblash uchun mo‘ljallangan axborot tizimlarini yaratish maqsadida umumfunksional yordamchi xarakterdagi dasturiy majmualar bo‘yicha tadqiqotlar olib borish va ularni amalga oshirish jarayonlari;

· axborot tizimlari loyihalashining matematik asoslari, algoritmik va dasturiy ta’minotini yaratish sohasida tadqiqotlarni amalga oshirish va ishlab chiqish jarayonlari.

70610401 – Dasturiy injiniring mutaxassisligi bo‘yicha magistrlar uchun fanlar quyidagilardan iborat:

· Ilmiuy tadqiqot metodologiyasi

· Axborotlarni izlash va ajratib olish

· Innovatsiya va lotihalarnni boshqarish

· Algoritmlarni loyihalash va tahlil qilish

· Maxsus fanlarni o‘qitiash metodikasi

· Deklarativ dasturlash

· Dasturiy ta’minotdan qayta foydalanish

· Tarmoq texnologiyalari

· Kompyuter ilngvistikasi

· Matematik modellashtirishning dasturiy tizimlari

· Web ilovalarni yaratish texnologiyasi

· SQL texnologiyalari

· Sun’iy intellekt tizimlarini loyihalash

· Sun’iy intellekt va qaror qabul qilish

70610302 - Axborot xavfsizligi (Sohalar bo‘yicha) magistratura yo‘nalishi bitiruvchilari:

Magistratura darajasini olgan talabalar chuqurlashtirilgan nazariy va amaliy bilimlarga ega bo‘lib, quyidagi mutaxassisliklar bo‘yicha faoliyat yuritishlari mumkin:

70610302 - Axborot xavfsizligi (Sohalar bo‘yicha) – “Axborot-kommunikatsiya texnologiyalari” ta’lim sohasiga oid mutaxassislik bo‘lib, u barcha ta’lim muassasalarida mutaxassislikka oid fanlarni o‘qitish; O‘zbekiston Respublikasi Fanlar akademiyasi va tarmoq ilmiy-tadqiqot institutlarida, ilmiy-tadqiqot markazlarida, loyihalash institutlarida, ilmiy-ishlab chiqarish birlashmalarida ilmiy tadqiqot ishlarini olib borish, turli mulkchilik shakllarida ishlab chiqarish va xizmat ko‘rsatish korxonalarida, davlat boshqaruvi organlarida har xil shakldagi mulk, sanoat va biznes tashkilotlarda axborot tizimlari, avtomatlashtirilgan tizimlar, axborotlashtirish ob’ektlari va ularda axborot xavfsizligini ta’minlash sohalariga oid kompleks masalalar majmuasini qamrab oladi.

70610302 - Axborot xavfsizligi (Sohalar bo‘yicha) mutaxassisligi bo‘yicha magistrlar kasbiy faoliyatlarining ob’ektlari:

· oliy ta’lim, qayta tayyorlash va malaka oshirish, professional ta’lim muassasalarida pedagogik faoliyat;

· Fanlar akademiyasi va tarmoq ilmiy-tadqiqot institutlari va markazlarida hamda oliy ta’lim muassasalarida ilmiy-tadqiqot faoliyati va jarayonlar;

· axborotni kriptografik va texnik himoyalash vositalari, axborot tizimlarining xavfsizligi, kompyuter tizimlari xavfsizligi, avtomatlashtirilgan tizimlar xavfsizligi, axborotni himoyalashning zamonaviy usullari va texnologiyalari;

· axborot texnologiyalari bilan bog‘langan turli darajadagi ob’ektlarning (tizimlar, tizim ob’ekti, ob’ekt tarkibi) axborot xavfsizligini ta’minlash texnologiyalari;

· axborotlashtirish ob’ektlari, jumladan, kompyuter, avtomatlashgan, telekommunikatsiya, axborot sohasiga taalluqli mavjud bo‘lgan vaziyatda axborot zaxiralari va axborot texnologiyalari;

· himoyalanayotgan ob’ektlarning axborot xavfsizligi jarayonlarini boshqarish.

70610302 - Axborot xavfsizligi (Sohalar bo‘yicha) mutaxassisligi bo‘yicha magistrlar uchun fanlar quyidagilardan iborat:

· Ilmiuy tadqiqot metodologiyasi

· Axborotlarni izlash va ajratib olish

· Innovatsiya va lotihalarnni boshqarish

· Algoritmlarni loyihalash va tahlil qilish

· Maxsus fanlarni o‘qitiash metodikasi

· Kompyuter kriminalistikasi

· Biznesning uzluksizligi va avariyaviy tiklash

· Kiberhuquq va kiberetika

· Kiberxavfsizlikda mashinali o‘qitish

· Axbototni himoyalashda intellectual vositalarni qo‘llash

· Geoaxborot tizimlarida axborotni himoya qilish

· Axborot nazariyasi va kodlash

· Xavfsizlik arxitekturasi va modellari

· Internet-kommunikatsiya xavfsizligi va kiberpsixologiyasi