Mirzo Ulug‘bek nomidagi O‘zbekiston Milliy universitetining Jizzax filiali davlat-xususiy sheriklik asosida talabalar turar joyi hamda maktabgacha ta’lim muassasasini barpo etish loyihasi yuzasidan jamoatchilik muhokamasi e’loni

    Ma’lumki, so‘nggi yillarda mamlakatimizda xususiy sektorga berilayotgan e’tibor kundan-kunga kuchayib bormoqda. Zero, davlat tomonidan ko‘rsatiladigan ba’zi xizmatlarning xususiy sektorga o‘tkazilishi nafaqat mazkur sohada ko‘rsatiladigan xizmat sifatini oshishini, balki budjet mablag‘larining samarali sarflanishini ham ta’minlaydi. O‘zbekiston Respublikasi Vazirlar Mahkamasining 2021-yil 9-sentabrdagi “Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari to‘g‘risida”gi 563-sonli qarori qabul qilingan. Mazkur qarorda talabalar turar joylarini davlat-xususiy sheriklik asosida xususiy investitsiyalarni jalb qilish orqali barpo etish belgilangan. O‘zbekiston Respublikasi Vazirlar Mahkamasining 30.10.2024 yildagi "Davlat-xususiy sheriklik sohasini yanada takomillashtirish hamda kompleks tizimlashtirish chora-tadbirlari to‘g‘risida”gi 720-son qarori bilan tasdiqlangan “Davlat-xususiy sheriklik loyihalarini amalga oshirish tartibi to‘g‘risida”gi nizom 11-bandida aholining, tovarlarni (ishlarni, xizmatlarni) iste’mol qiluvchilarning, ulardan foydalanuvchilarning manfaatlarini inobatga olish maqsadida vakolatli davlat organining talabiga binoan DXSh loyihasi jamoatchilik muhokamalari bilan birga tayyorlanishi lozimligi qayd etilgan. Yuqoridagilardan kelib chiqib, Jizzax shahar Jizzaxlik MFY hududida davlatxususiy sheriklik asosida talabalar turar joyi barpo etish loyihasi (quyidagi ilova qilingan jadvalga qarang) ishlab chiqilayotganligi ma’lum qilinadi. Loyiha doirasida tadbirkorlik subyekti va Davlat budjeti mablag‘lari hisobidan 400 o‘rinli talabalar turar joyi hamda 100 o‘rinli maktabgacha ta’lim muassasasi quriladi, Bunda, xususiy sherikka talabalar turar joylarini qurish uchun loyiha-smeta hujjatlari bo‘yicha bir o‘ringa to‘g‘ri keladigan qiymatning 50 foizi, biroq bazaviy hisoblash miqdorining 100 baravaridan ortiq bo‘lmagan miqdorda subsidiya ajratiladi.

To'liq ma'lumot olish uchun ushbu havolaga o'ting.