Bugun O‘zbekiston Milliy universiteti Jizzax filialida 2020-2021 o‘quv yili uchun Rossiya Federasiyasi Qozon Federal Universiteti bilan hamkorlikda tashkil etilgan O‘zbek-Qozon qo‘shma ta’lim dasturi “5210200 - Psixologiya (faoliyat turlari bo‘yicha)” yo‘nalishiga  talabalikka tavsiya etilgan —1-kurs talabalari uchun tanishuv darslari tashkil etildi. 
Jumladan, filialga kiritilayotgan talabalarning tana harorati o‘lchanib, antiseptik vositalar bilan dezinfeksiya qilindi. Shundan so‘ng talabalar auditoriyalarga kiritilib, professor-o‘qituvchilar tomonidan Tanishuv darslarida ilmiy ishlar va innovasiyalar bo‘yicha direktor o‘rinbosari A.Axatov, “Psixologiya” fakulteti dekani N.Alimovlar talabalar bilan uchrashib, qiziqtirgan savollarga javob berishdi. Talabalar filial faoliyati va yo‘lga qo‘yilgan masofaviy ta’lim tizimi haqida ma’lumotlarga ega bo‘lishdi.
 Ta’lim olish jarayonida zarur bo‘ladigan adabiyotlar ro‘yxati ham batafsil aytib o‘tildi. Mana shu tarzda tanishuv darslari davomida talabalikka qabul qilingan abituriyentlar uchun onlayn ta’lim olish ko‘nikmasi shakllantiriladi. Birinchi bosqich talabalari bugungi tashkil etilgan tanishuv darslari orqali  o‘quv jarayoniga tegishli barcha kerakli ma’lumotlarga ega bo‘lishdi.Talaba yoshlarning filial binosida o‘tgan ilk kuni zavqli kechdi deb umid qilamiz. Filialda tanishuv darslarini tashkil etishda karantin qoidalariga qat’iy amal qilish inobatga olindi.

Filial Axborot xizmati