MIRZO ULUG‘BEK NOMIDAGI O‘ZBEKISTON MILLIY UNIVERSITETI JIZZAX FILIALI

Magistratura bo‘limi

Umumiy ma'lumot

Magistratura bo‘limi faoliyati haqida ma’lumot:

O‘zbekistonda mustaqillik yillarida ta’lim tizimining barcha turlarini, jumladan, oliy malakali ilmiy va ilmiy-pedagog kadrlar tayyorlash tizimini tubdan isloh qilish bo‘yicha aniq maqsadli keng miqyosdagi ishlar amalga oshirila boshlandi. Mamlakatimizda 1997-yil 29-avgustda ta’lim yo‘nalishini dunyo standartlari darajasiga yetkazish maqsadida O‘zbekiston Respublikasining “Ta’lim to‘g‘risida“gi Qonuni va “Kadrlar tayyorlash milliy dasturi” qabul qilindi. Mazkur qonun hujjatlariga ko‘ra, 1999-yildan boshlab O‘zbekiston Respublikasidagi bir qator yetakchi oliy ta’lim muassasalarida ta’lim berishning ikkinchi bosqichi magistratura bo‘limlari ochilib, magistrlar tayyorlana boshlandi. 

O‘zbekiston Respublikasi  Prezidentining “2021/2022-o‘quv yilida O‘zbekiston Respublikasining Oliy ta’lim muassasalariga o‘qishga qabul qilishning davlat buyurtmasi parametrlari to‘g‘risi”dagi PQ-5157-son qaroriga muvofiq Mirzo Ulugʻbek nomidagi Oʻzbekiston Milliy universitetining Jizzax filialida magistratura bo‘limi alohida bo‘lim sifatida shakllantirildi va magistratura bo‘limi O‘zbekiston Respublikasi Vazirlar Mahkamasining 2015-yil 2-martdagi 36-son “Magistratura to‘g‘risidagi Nizomni tasdiqlash haqida”gi qarori asosida faoliyat yuritmoqda. Hozirgi kunda Filialda 8 ta mutaxassislik bo‘yicha jami 30 nafar magistrant tahsil olmoqda.

Magistratura boʻlimining vazifalari:

 Oʻzbekiston Respublikasi Oliy va oʻrta maxsus ta’lim vazirligi Mirzo Ulugʻbek nomidagi Oʻzbekiston Milliy universitetining Jizzax filiali mutasaddi kafedralar va dekanatlar bilan birgalikda faoliyatini muvofiqlashtirish;

 Oʻzbekiston Respublikasining ta’limga oid Qonunlari, Prezident Farmonlari, Farmoyishlari, Qarorlari, Vazirlar Mahkamasining Qarorlari, Oliy va oʻrta maxsus ta’lim vazirligining Hay’at Qarorlari, buyruqlari, yoʻriq xat, modemogramma va telefonogrammalarini, shuningdek, rector (direktor) buyruqlarining fakultetlar, kafedralar, boʻlimlarda bajarilishini ta’minlash va monitoringini olib borish;

 Oʻzbekiston Respublikasi Prezidenti va hukumati tomonidan qabul qilingan farmon va qarorlar mazmunini talabalarga yetkazib borish;

 Magistratura mutaxassisliklari uchun zaruriy normativ-huquqiy  hujjatlarni ishlab chiqish,  kadrlar buyurtmachilari talab va takliflari asosida ularni muntazam takomillashtirib borish;

 universitet  bilan korxona, tashkilot, xususiy korxona va firmalar oʻrtasida yoʻnalish boʻyicha manfaatli hamkorlik shartnomalarini tuzish va ularni amalga oshirib borish;

 universitet barcha boʻlinmalarining magistrlar tayyorlash boʻyicha faoliyatini muvofiqlashtirish va nazorat qilish;

 magistrlar tayyorlash boʻyicha oʻquv jarayonini tashkil etish va amalga oshirishga koʻmaklashish;

 magistrantlarga taqdim etilayotgan ta’lim va oʻqitish sifatini nazorat qilish;

 magistraturada pedagogik faoliyatga jalb etiladigan oʻqituvchilarga yuklatilgan vazifalarni amalga oshirishlarini nazorat qilish, ularni ijtimoiy-kasbiy va shaxsiy faolligini oshirish;

 magistraturada mavjud holatni tizimli ravishda tahlil qilish, muammoli holatlarni aniqlash, magistraturani rivojlantirish tendensiyalari boʻyicha ustuvor yoʻnalishlarni aniqlash;

 magistrlarni kelgusida ishga joylashishi ustidan muntazam monitoringni amalga oshirish;

 magistrantlarning ilmiy-pedagogik,  ilmiy-tadqiqot va magistrlik dissertasiyasini tayyorlash boʻyicha faoliyatini  “Magistratura toʻgʻrisida” Nizomga  muvofiq magistrantlarning kalendar ish rejasiga binoan amalga oshirilishini nazorat qilish;

 magistrlar tayyorlash masalalarini tahlil qilish va ular yuzasidan muntazam ravishda hisobotlar tayyorlashni ta’minlash;

 YaDA sinovlari va magistrlik dissertasiyasi himoyalarining samarali tashkil etishini ta’minlash.