Loyiha doirasida qiymati 10 ming dollar bo‘lgan 12 ta tadqiqot granti taqdim etiladi. Mazkur loyiha yosh tadqiqotchilarni “Ipak yo‘li” umumiy merosini yanada chuqurroq o‘rganishga safarbar etishiga qaratilgan.

“Ipak yo‘li” granti yosh tadqiqotchilar uchun UNESCO ning ijtimoiy va gumanitar fanlari dasturining bir qismi bo‘lgan UNESCO bo‘yicha Xitoy Xalq Respublikasi Milliy Komissiyasi va “Ipak yo‘li va MOST” dasturi tomonidan qo‘llab-quvvatlangan yangi tashabbus hisoblanadi.

35 yoshgacha bo‘lgan doktorantlarni qamrab olgan mazkur grantga biror bir mintaqa yoki xronologiya bilan chegaralanmagan fanlararo va ko‘p o‘lchovli takliflarni o‘z ichiga olgan keng ko‘lamli tadqiqotlarga ega bo‘lgan arizalar qabul qilinadi.

Tavsiya etilgan tadqiqot “Ipak yo‘li” umumiy merosi bilan bog‘liq bo‘lgan bir yoki bir nechta mavzularni qamrab olishi mumkin.

– Ilm-fan va texnologiya;

– an’anaviy nou-xau va hunarmandchilik;

– din va ma’naviyat;

– til va adabiyot;

– san’at va musiqa;

– an’anaviy o‘yinlar va sport turlari.

Nomzodlar o‘zlarining tadqiqotlari, uslublari, kutilayotgan natijalari va mavjud stipendiyalarga qo‘shgan hissalarini batafsil taqdim etgan holda arizani to‘ldirib, o‘z takliflarini yuborishlari kerak.

Arizalar 2021-yil 18-aprelgacha ingliz tilida silkroadsgrant@unesco.org elektron manziliga yuboriladi.

Taqdim etilgan tadqiqot dasturlari taniqli xalqaro olimlardan tashkil topgan ilmiy guruh tomonidan baholanadi. Gʻoliblar ro‘yxati 2021-yil iyun oxirida e’lon qilinadi.

To‘liq ma’lumotlarni  https://ru.unesco.org/silkroad/youthgrant saytidan olishingiz mumkin.

 Xalqaro hamkorlik bo‘limi +998944266569