Abituriyent ruxsatnomasida ko‘rsatilgan sana va vaqtda test sinovlarida ishtirok etadi.

Test sinovlari jarayonida abituriyent quyidagi huquqlarga ega:

• savollar kitobchasidan qoralama sifatida foydalanish;
• test topshiriqlarini belgilangan muddatdan oldin bajarish va test materiallarini topshirish;
• test topshiriqlari kitobi va javoblar varaqasi raqamlari mosligini tekshirish;
• nuqsonli materiallar haqida guruh nazoratchisiga xabar berish;
• javoblar varaqasini to‘g‘ri to‘ldirish;
• familiya, ism, otasining ismini yozish va imzo qo‘yish;
• javoblar varaqasi raqamini to‘g‘ri ko‘chirib yozish;
• maxsus kod va muassasa kodini to‘g‘ri ko‘chirib, doirachalarni bo‘yash.

Abituriyent quyidagilarga shaxsan javobgar:

• javoblar varaqasini havo rang pastali ruchka bilan to‘ldirish;
• varaqani bukmaslik, marker chizig‘iga yozmaslik;
• javoblar varaqasini to‘g‘ri to‘ldirish;
• test topshiriqlariga mos doirachalarni to‘g‘ri bo‘yash;
• materiallarni tartib bilan guruh nazoratchisiga topshirish.

Test topshiriqlari o‘quv dasturiga mos bo‘ladi. Har bir fan 30 tadan testni o‘z ichiga oladi. 30 ta testga 1 soat, 60 taga 2 soat beriladi. Har testda 4 ta javob: A, B, C, D. Faqat bitta javob belgilanishi mumkin. Qoidalar buzilsa ball berilmaydi.

Test vaqtida chiqqan abituriyent qaytadan kiritilmaydi. Sog‘lig‘i yomonlashgan holatlar mustasno.

Quyidagi holatlarda testdan chetlashtiriladi:

• taqiqlangan vositalarni olib kirish yoki foydalanish;
• test materiallarini boshqalarga uzatish yoki yordam berish;
• test materiallarini yirtish, tashqariga olib chiqish;
• test topshirmaslik, vaqt tugaganda topshirmaslik;
• videokuzatuvda qoidalarga amal qilinmagani aniqlansa.