Kafedra faoliyatida asosiy vazifalar:

- barcha o‘quv shakllari bo‘yicha oliy ta’limning davlat ta’lim standartlariga muvofiq tuzilgan o‘quv rejalaridagi fanlar bo‘yicha belgilangan mashg‘ulot turlarini yuksak nazariy, ilmiy-uslubiy va kasbiy darajada o‘tkazish, ta’lim sifatini ta’minlash;

- talabalarning mustaqil ishlari va ilmiy-tadqiqot ishlariga rahbarlik qilish;

-talabalar bilimining reyting nazoratini joriy etish, talabalarning auditoriyadan tashqari ishlarini tashkil etish bo‘yicha tadbirlar o‘tkazish;

- rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali raqobatbardosh kadrlarni tayyorlash;

- kafedra fanlari bo‘yicha o‘quv dasturlarni ishlab chiqish va belgilangan tartibda tasdiqqa taqdim etish, shuningdek turdosh kafedralar tomonidan tayyorlangan o‘quv dasturlarga taqriz va xulosalar tayyorlash;

- darslik, o‘quv, uslubiy va ko‘rgazmali qo‘llanmalarni tayyorlash, qayta nashr etiladigan darslik, o‘quv qo‘llanma va o‘quv-uslubiy adabiyotlar, shu jumladan xorijiy olimlar bilan hammualliflikda yaratilgan adabiyotlarga xulosalar tuzish;

- kafedra yo‘nalishlari va mutaxassisliklari bo‘yicha DTS, o‘quv rejalari va dasturlarini rivojlangan xorijiy mamlakatlarning ta’lim dasturlari bilan qiyosiy tahlilini muntazam ravishda olib borish va takomillashtirish;

- iqtidorli talabalarni  tanlash va ularni tarbiyalash, olimpiada va tanlovlarda, shu jumladan “El-yurt umidi” jamg‘armasi tanlovida ishtirok etishga tayyorlash, talabalarning mustaqil ishlash shakl va uslublarini takomillashtirish bo‘yicha choralar ko‘rish;

- talabalar ilmiy-ijodiy faoliyatini tizimli asosda tashkil etish, iqtidorli talabalarni aniqlash va ularni ilmiy tadqiqotlarga jalb etish, ilmiy-tadqiqot ishlarini individual va jamoa bo‘lib bajarishga o‘rgatish, ularning ilmiy-ijodiy faoliyatini ro‘yobga chiqarish uchun zarur tashkiliy, uslubiy va moddiy-texnikaviy shart-sharoitlar yaratish; 

- tasdiqlangan rejaga muvofiq ilmiy-tadqiqot ishlarini olib borish, tugallangan ilmiy-tadqiqot ishlarini muhokama etish, nashr etishga tavsiya berish va ularning natijalarini ishlab chiqarishga joriy etish, ta’lim, fan va ishlab chiqarishning samarali integratsiyasini ta’minlash;

- kafedra o‘qituvchilarining shaxsiy ish rejalaridagi o‘quv, ilmiy-uslubiy, ilmiy-tadqiqot, ma’naviy-ma’rifiy va tashkiliy-uslubiy ishlarini ko‘rib chiqish, tajribali o‘qituvchilar faoliyatini o‘rganish, umumlashtirish va ilg‘or tajribalarini ommalashtirishga qaratilgan ishlarni tashkil etish;

- zamonaviy pedagogik va axborot-kommunikatsiya texnologiyalarini joriy etish, pedagogik faoliyat bilan shug‘ullanishni boshlagan yosh o‘qituvchilarga pedagogik malaka va ko‘nikmalarni egallashda yordam berish, axborot bazasini yaratish, o‘quv mashg‘ulotlarida zamonaviy o‘quv-texnika vositalaridan, yakka tartibda o‘qitish va mustaqil ta’lim olish uslublaridan samarali foydalanishni yo‘lga qo‘yish, o‘qitishni zamonaviy kompyuter texnikalari bilan jihozlangan maxsus o‘quv auditoriyalarida tashkil qilish, masofali o‘qitish elementlarini rivojlantirish;

- ilmiy-pedagogik kadrlarni tayyorlash, kafedra mutaxassisligiga mos yoki turdosh ixtisosliklar bo‘yicha nomzodlik va doktorlik dissertatsiyalarni ilmiy seminarlarda muhokama qilish, ta’lim hujjatlarining me’yor talablariga javob berishini belgilash bo‘yicha ekspert guruhlari tarkibida ishtirok etish;

- kafedra ixtisosligi bo‘yicha mutaxassislar malakasini oshirishga yo‘naltirilgan tadbirlar o‘tkazish, ta’lim jarayonini rivojlantirish;

- xorijiy ta’lim muassasalari bilan ta’lim sohasidagi hamkorlik aloqalarini rivojlantirish.

- talabalarning qiziqishlarini e’tiborga olgan holda turli mavzular, yo‘nalishlar va ixtisosliklar bo‘yicha to‘garaklar tashkil qilish, talabalarni darsdan bo‘sh vaqtini unumli va foydali mehnat bilan band qilishga qaratilgan tadbirlarni amalga oshirish;

- filial axborot-resurs markazini kafedra ta’lim yo‘nalishlari va mutaxassisliklariga oid yangi o‘quv, ilmiy-texnikaviy va davriy adabiyotlar bilan uzluksiz to‘ldirib borish va yangilanishini doimiy nazorot qilish.

KAFEDRANING USTUVOR ILMIY YO‘NALIShI:

Jamiyatda ijtimoiy bilimlarni keng targ‘ib qilish, o‘zbek davlatchiligi tarixi va uni davrlashtirish, ijtimoiy himoya  masalalari, shuningdek, ma’naviy-ahloqiy rivojlanish, sog‘lom avlodni tarbiyalashning zamonaviy mexanizmlarini ishlab chiqish, uni amaliyotga joriy etish.

Kafedrada bakalavriatning  “60920100-Ijtimoiy ish (fuqarolarning o‘zini-o‘zi boshqarish organlari)”  sirtqi ta’lim yo‘nalishida mutaxassislar tayyorlanadi.

Kafedra tarkibi

         Kafedra tarkibi: kafedra mudiri, PhD., dots. B.Nosirov., PhD., dots. E.Mallayeva, s.f.n., dots., O.Hakimov,  PhD., dots. v.b. M.Boltayeva, katta o‘qituvchilar Sh.Fayzullayev, O.Ortiqov, D.Tolliboyev, assistentlar X.Rahmatov, A.Toshboev,  I.Xosilmurodov va stajor-o‘qituvchilar B.Aliqulov, D.Kamolov, Sh.Nazarov, F.Ahmedova, S.Xudoyberdiyevlar.

Kafedrada o‘qitiladigan fanlar va o‘quv-uslubiy ishlar

Kafedra professor-o‘qituvchilari tomonidan bakalavriat ta’lim yo‘nalishi uchun “O‘zbekistonning eng yangi tarixi”, “Falsafa”, “Ma’naviyatshunoslik” va “Dinshunoslik”  fanlaridan hamda Qozon Federal universiteti bilan hamkorlikda tashkil etilgan ta’lim yo‘nalishlariga ijtimoiy hamda jismoniy madaniyat va sport fanlaridan o‘quv mashg‘ulotlari olib boriladi.

Bundan tashqari, “Jismoniy tarbiya va  sport” fanidan ham mashg‘ulotlar o‘tkazilmoqda.

Fan doirasida o‘quv adabiyotlarni yaratish borasida, salmoqli ishlar amalga oshirilmoqda. Xususan, s.f.n., dots. O.Hakimov tomonidan “Zamonaviy sotsiologiya va uning taraqqiyot istiqbollari” nomli o‘quv qo‘llanmasi, dots.v.b. M.Boltaeyvaning “O‘zbekistonning eng yangi tarixi” fanidan o‘quv qo‘llanmasi, shuningdek “Falsafa” hamda “O‘zbekistonning eng yangi tarixi” fanlaridan darsligi chop etildi.

Kafedraning ilmiy-tadqiqot ishlari:

Kafedraning 4 nafar professor-o‘qituvchi ilmiy-tadqiqot ishini olib bormoqda.

·                   Dotsent B.Nosirov t.f.d., prof. S.Shadmanova ilmiy maslahatchiligida “O‘zbekistonda umumiy ovqatlanish tizimi: an’ana va transformatsiya (XIX asr oxiri- XXI asr boshlari)” ilmiy mavzusida;

·                  Dots.v.b. M.Boltayeva tarix fanlari doktori ilmiy darajasini olish uchun t.f.d., prof. Yu.Ergasheva ilmiy maslahatchiligida “O‘zbekiston Respublikasiga xorijiy investitsiyailarni jalb etish tarixi (Jizzax viloyati misolida 1991-2023 yy.)” ilmiy mavzusida;

·                     katta o‘qituvchi D.Tolliboev f.f.d., dotsent. L.Djuraev ilmiy rahbarligida “Yoshlar iqtisodiy madaniyatini xorij tajribasi asosida transformatsiya: ijtimoiy falsafiy tahlil” ilmiy mavzusida;

·                     katta o‘qituvchi O.Ortiqov f.f.d., dotsent. L.Djuraev ilmiy rahbarligida “Zamonaviy O‘zbekistonda sog'lom oila-ma’naviy muhitini shakllantirishda iqtisodiy qadriyatlarning ahamiyati (ijtimoiy - falsafiy tahlil)” ilmiy mavzusida ilmiy-tadqiqot ishini olib bormoqda.

 Kafedrada ayni vaqtda ilmiy salohiyat 34 foizni tashkil qiladi. 

Iqtidorli talabalar bilan ishlash

Kafedra professor-o‘qituvchilari tomonidan iqtidorli talabalar blan ishlash borasida rejali ishlar  amalga oshirilmoqda. Natijada, iqtidorli talabalar tomonidan xalqaro va respublika miqiyosida o‘tkazilgan turli tanlovlar va olimpiadalarda faxrli o‘rinlar qo‘lga kiritilmoqda.