RU
EN
“MAHALLABAY” ISHLASH TIZIMIDA MUAMMOLARGA YECHIM TOPILMOQDA
Davlatimiz rahbari Shavkat Mirziyoyev tashabbusi bilan ishlab chiqilgan yangicha – mahallabay va fuqarobay tizimi asosida xalq bilan muloqot qilish, joylardagi muammolarni o‘rganish hamda ularning yechimini topish, avvalo, aholining turmush farovonligini oshirishga xizmat qilmoqda. Bu jarayonda vazirlik va idoralar bilan bir qatorda O‘zbekiston Milliy universitetining Jizzax filiali ham faol ishtirok etib kelmoqda.
Shundan kelib chiqib, O‘zMU Jizzax filiali jamoasi ham Jizzax shahridagi “Qassoblik”, “Zargarlik” hamda “Jizzaxlik” mahallalaridagi “Ayollar daftari”, “Yoshlar daftari”, “Temir daftar”ga kiritilgan, ijtimoiy himoyaga muhtoj oilalarda tarbiyalanayotgan (uyushmagan) yoshlarning boʻsh vaqtlarini mazmunli tashkil etish, ularni kasbga va ilm-fanga yoʻnaltirishga qaratilgan targʻibot ishlari amalga oshirildi.
Targʻibot tadbirlarida davomida mahallalardagi uyushmagan yoshlarning bilim va iqtidori hamda qiziqishlarini inobatga olgan holda filialdagi mavjud kafedralar qoshida aniq fanlar, tabiiy fanlar hamda chet tili fanlari bo‘yicha oʻquv kurslari tashkil etilib, unda ushbu mahallalardagi barcha yoshlar bepul ilm olishlari mumkinligi ta’kidlandi.
Filial Axborot xizmati
🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali