O‘zbekiston Respublikasi Prezidenti Shavkat Mirziyoyevning 2019-yilning 30-31-yanvar kunlari Jizzax viloyatiga tashrifi davomida bildirgan takliflari va O‘zbekiston Respublikasi Vazirlar Mahkamasining 2019-yil 5-iyuldagi 563-sonli qarori hamda viloyat hokimining 2019-yil 10-iyuldagi 261-sonli qaroriga asosan Mirzo Ulug‘bek nomidagi O‘zbekiston Milliy universiteti Jizzax filiali tashkil etildi. Dastlab, Filial tarkibida “Amaliy matematika” fakulteti o‘z faoliyatini boshlagan.

Hozirgi kunda « Amaliy matematika » fakulteti tarkibiga: 4 ta kafedra faoliyat ko‘rsatadi:

1. “Amaliy matematika” kafedrasi. Kafedra mudiri. Sharipov Xurshid Fazliddinovich.

2. “Kompyuter ilmlari va dasturlashtirish” kafedrasi. Kafedra mudiri Qayumov Oybek Achilovich.

3. "Biotexnologiya" kafedrasi. Kafedra mudiri Mustafakulov Muhammad Abduvaliyevich.

4. "Axborot tizimlari va texnologiyalari" kafedrasi. Kafedra mudiri Karshiyev Abror Amrullayevich.

Fakultetda 5 ta kunduzgi ta’lim yo‘nalishlari bo‘yicha bakalavrlar tayyorlanadi:

—  60540200  Аmaliy matematika yo‘nalishi;

—  60610100 Kompyuter ilmlari va dasturlash texnologiyalari (yo‘nalishlar bo‘yicha) yo‘nalishi;

—  60610200  Аxborot tizimlari va texnologiyalari (tarmoqlar va sohalar bo‘yicha) yo‘nalishi; 

—  60610300  Аxborot xavfsizligi (sohalar bo‘yicha) yo‘nalishi;

—  60710200  Biotexnologiya (tarmoqlar bo‘yicha) yo‘nalishi;

O'zbekiston milliy universtiteti Jizzax filiali « Amaliy matematika »fakulteti 2023/2024 o'quv yili qabul parametrlari:

—  60540200  Аmaliy matematika yo‘nalishiga 75 ta 

—  60610100 Kompyuter ilmlari va dasturlash texnologiyalari (yo‘nalishlar bo‘yicha) yo‘nalishi 75 ta

—  60610200  Аxborot tizimlari va texnologiyalari (tarmoqlar va sohalar bo‘yicha) yo‘nalishi 100 ta

—  60610300  Аxborot xavfsizligi (sohalar bo‘yicha) yo‘nalishi 50 ta

—  60710200  Biotexnologiya (tarmoqlar bo‘yicha) yo‘nalishi 75 ta

Mirzo Ulug‘bek nomidagi O‘zbekiston Milliy Universiteti Jizzax filiali Amaliy matematika fakultetida ma’naviy-ma’rifiy soha bo‘yicha 2023/2024-o‘quv yili davomida amalga oshirilgan ishlar yuzasidan

MA’LUMOT

O‘zbekiston Respublikasi Prezidentining 2017-yil 28-iyuldagi “Ma’naviy-ma’rifiy ishlar samaradorligini oshirish va sohani rivojlantirishni yangi bosqichga ko‘tarish to‘g‘risida”gi PQ-3160-son, 2018-yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-son, 2019-yil 3-maydagi “Ma’naviy-ma’rifiy ishlar samaradorligini oshirish bo‘yicha qo‘shimcha chora-tadbirlar to‘g‘risida”gi PQ-4307-son, 2021-yil 26-martdagi “Ma’naviy-ma’rifiy ishlar tizimini tubdan takomillashtirish chora-tadbirlar to‘g‘risida”gi PQ-5040-son qarori, O‘zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-son qarori hamda  O‘zbekiston Respublikaksi Prezidenti Sh.Mirziyoevning  2019-yil 19-mart kuni o‘tkazilgan vedeoselektor yig‘ilishida ilgarisurgan 5 ta muhim tashabbuslari asosida tuzilgan filialning 2023-yilning 25-avgustdagi 1-sonli Ilmiy Kengashida tasdiqlangan Mirzo Ulug‘bek nomidagi Oʻzbekiston Milliy universitetining Jizzax filialida 2023/2024 oʻquv yilida maʻnaviy-maʻrifiy sohada amalga oshiriladigan ishlar yuzasidan yillik ish rejasi “Amaliy matematika” fakultetida maʻnaviy-maʻrifiy ishlarni yo‘lga qo‘yishda asosiy yo‘nalish qilib olingan.

Talaba yoshlarning bo‘sh vaqtlarini mazmunli o‘tkazish maqsadida O‘zbekiston Respublikaksi Prezidenti Shavkat Miromonovich Mirziyoevning ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha ilgari surgan 5 ta muhim tashabbusini qo‘llab quvvatlagan holda Yoshlarni musiqa, rassomchilik, adabiyot, teatr va san’atga, jismoniy tarbiya va sportga jalb etish, Kompyuter texnologiyalari va internetdan samarali foydalanish, yoshlar o‘rtasida kitobxonlikni keng targ‘ib qilishni o‘zida mujassam etgan turli hildagi ilmiy va ijodiy to‘garaklar va klublarning faoliyatini yo‘lga qo‘yish kabi chora-tadbirlarni amalga oshirish yuzasidan tizimli ishlar amalga oshirilmoqda. Birgina yangi o‘quv yili davomida fakultet talabalari tomonidan erishilgan yutuqlar talaygina. Jumladan:

Oliy ta’lim, fan va innovatsiyalar vazirligi hamda Fanlar akademiyasi tomonidan 2023-yilning 23–29-oktabr kunlari Nukus shahrida bo‘lib o‘tgan matematika fani bo‘yicha Muhammad al-Xorazmiy nomidagi xalqaro olimpiadada Amaliy matematika fakulteti, Amaliy matematika ta’lim yo‘nalishi 101-20-guruh talabasi Alipova Shag‘zoda Ikrom qizi faol ishtirok etib, bronza medalini qo‘lga kiritdi.2023/2024 o‘quv yili uchun Islom Karimov nomidagi davlat stipendiyasi sovrindori.

Joriy yilning 7-10 noyabr kunlari Tojikiston respublikasi  sux viloyati xujand shahrida bo‘lib o'tgan boks bo'yicha  xalqoro  musobaqada ishtirok etib Amaliy matematika fakulteti, Axborot xavsizligi ta’lim yo‘nalishi  481-22-guruh talabasi Rahmonjonov ibrohim Raim o'g'li faol ishtirok etib, bronza medalini qo‘lga kiritdi.

O‘zbekiston quvnoqlar va zukkolar assotsiatsiyasi tomonidan muntazam ravishda o‘tkazib kelinayotgan “Quvnoqlar va zukkolar” ko‘rik-tanlovi Oliy ligasining 2023-yilgi mavsumi YARIM FINAL bellashuvlari bo‘lib o‘tdi. Mazkur bellashuvda filialning “Jizzax shovvozlari” jamoasi munosib ishtirok etishdi. Jizzax viloyati OTM ichida so‘ngi  sakkiz yil ichida ushbu natijani birinchi bo‘lib filial jamoasi qayt etdi.

O‘zbekiston Respbublikasi Oliy ta’lim muassasalari talabalari o‘rtasida o‘tkazilgan Ulug‘bek vorislari Respublika bosqichida  Amaliy matematika fakulteti Biotexnologiya ta’lim yo‘nalishi 151-20  guruh talabasi Anvarov Bobur Baxodir o'g'li hamda 150-20 guruh talabasi Nuriddinov Javlon Shodibek o'g'li ishtirok etib respublika bosqichi g‘olibligini qo‘lga kiritdi.                        

”Zakovat intellektual klubi” nodavlat notijorat tashkilotining 2023-yil 5-dekabrdagi Ch-521-son xatiga asosan Intellektual olimpiadaning hududiy bosqichida g‘olib bo‘lgan oliy ta’lim muassalari terma jamoasi 2023-yilning 16-20-dekabr kunlari Toshkent shahrida bo‘lib o‘tgan Intellektual olimpiadaning Respublika bosqichida Mirzo Ulug‘bek nomidagi O‘zbekiston milliy universitetining 12 nafar talabalardan iborat terma jamoasi faol ishtirok etishdi. Ushbu olimpiada yakunlariga ko‘ra jamoamiz 150 ga yaqin jamoalar o‘rtasida kuchli 20 talik jamoalar qatoridan joy egalladi.