O‘zbekiston Respublikasi Prezidentining “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi 2020 yilning 6 noyabrdagi PF-6108-son Farmoni ijrosi yuzasidan Mirzo Ulug‘bek nomidagi O‘zbekiston Milliy universiteti Jizzax filiali rahbariyati Jizzax viloyatining Sh.Rashidov tumanidagi 8-umumta’lim maktabiga tashrif buyurishdi.
Filial direktori p.f.d. O.Turakulov, p,f.n. “Psixologiya” fakulteti dekani N.Alimov, “Psixologiya va gumanitar fanlar” kafedrasi mudiri PhD B.Nosirov va “Psixologiya va gumanitar fanlar” kafedrasi o‘qituvchisi Sh.Djumanovlar uchrashuv chog‘ida maktabning yuqori sinf o‘quvchilari va maktab pedagoglar jamoasiga “Mahorat dars”larini tashkil etishdi.
Shundan so‘ng O‘zbekiston Milliy universiteti Jizzax filiali direktori p.f.d., O.Turakulov yuqori sinf o‘quvchilarining ota-onalari bilan farzand tarbiyasi, mas’uliyati va vazifalari masalalariga bag‘ishlangan muloqotda ishtirok etdi.
Muloqot davomida so‘nggi yillarda mamlakatda ta’lim-tarbiya tizimining sifati va samaradorligini oshirish, maktab o‘quvchilarida zamonaviy bilim hamda ko‘nikmalarni shakllantirish, oliy ta’lim muassasasi bilan maktab o‘rtasidagi ilm-fanni rivojlantirishga oid yaqin hamkorlik yuzasidan amalga oshirilayotgan islohotlarga e’tibor qaratildi.
Tashrif mobaynida oliy ta’lim muassasasi bilan maktab o‘rtasida hamkorlikni rivojlantirish bo‘yicha kelgusida amalga oshirilishi lozim bo‘lgan dolzarb vazifalar kelishib olindi.

Filial Axborot xizmati