Davlatimiz rahbari Qashqadaryo viloyatiga tashrifi davomida iqtisodiyotning barcha sohalari va axborot texnologiyalari oʻrtasida sinergiya yaratish maqsadida OTMlar, ilmiy-tadqiqot institutlari va IT-Parklar oʻrtasidagi hamkorlikni kengaytirish toʻgʻrisida qaror qabul qildi.
Ushbu topshiriqdan soʻng, oliy ta’lim muassasalari yoshlarga oʻz gʻoyalarini innovatsion loyihalarga aylantirishda yordam beradigan inkubatsiya markazlarini tashkil etishga harakat qilishmoqda.
Topshirik ijrosini ta’minlash maqsadida Mirzo Ulug‘bek nomidagi O‘zbekiston Milliy universitetining Jizzax filialida dasturiy mahsulotlar va axborot texnologiyalari texnologik parki (IT-park) hududiy filiali inkubatsiya markazlarini tashkil etish hamda uning faoliyatini yo‘lga qo‘yish bo‘yicha dastur namunasi (loyiha) ishlab chiqish belgilangan. 
Shu munosabat bilan Mirzo Ulug‘bek nomidagi O‘zbekiston Milliy universitetining Jizzax filialida IT Park mintaqaviy filiali rahbariyati va filialning rahbariyati, professor-o‘qituvchilari hamda axborot texnologiyalari markazi mutaxasislari ishtirokida uchrashuv bo‘lib o‘tdi.  
Jizzax shahridagi IT Park filiali loyihasi maslahatchisi Jayaram Partasarti suhbat davomida IT-parkni tashkil etish tarixi va faoliyat yo‘nalishlari to‘g‘risida ma’lumotlar berib o‘tdi.
Shuningdek, talabalar bilan ham uchrashuv tashkil etildi va ulardagi g‘oyalar hamda startap loyihalarni yaratishda inkubasiya va akselerasiya bosqichlarini qanday amalga oshirish lozimligi to‘g‘risida fikrlar almashinib muloqotlar tashkil etildi.