El-yurtimiz ozodligi, erkinligi va mustaqilligi uchun olib borilgan ko‘p yillik mashaqqatli kurashlarni haqqoniy va to‘laqonli aks ettirish, mustabid tuzum davridagi ommaviy qatag‘onlar tufayli qurbon bo‘lgan, insoniylik sha’ni, qadr-qimmati toptalgan vatandoshlarimizning xotirasini abadiylashtirish, yosh avlod qalbida Vatanga muhabbat, istiqlol g‘oyalariga sadoqat tuyg‘ularini kuchaytirish muqaddas vazifamizdir.
 O‘zbekiston Respublikasi Prezidentining 2020 yil 8 oktyabrdagi “Qatog‘on qurbonlarining merosini yanada chuqur o‘rganish va ular xotirasini abadiylashtirishga doir qo‘shimcha chora-tadbirlar to‘g‘risida”gi F-5598-son Farmoyishi ijrosini ta’minlash  hamda  mustaqillik va adolat tantanasi yo‘lida kurashgan fidoyi ota-bobolarimizning jasorati va ibratli faoliyatlari haqida talaba-yoshlar ongiga chuqur singdirish maqsadida 2020 yilning 22 dekabr kuni filialning Amaliy matematika fakultetining 102-20 va 130-20-guruh talabalari Jizzax shahridagi  “Qatog‘on qurbonlari xotirasi” davlat muzeyiga  tashrif buyurdilar. 
 Muzeyga tashrif davomida muzeyda joylashgan turli xil tarixiy eksponantlar bilan yaqindan tanishdilar va muzey xodimlari tomonidan kerakli ma’lumotlar olishdilar.