O‘zbekiston Respublikasi Innovasion rivojlanish vazirligi va Jizzax viloyati hokimligi o‘rtasida Jizzax viloyatida ilmiy va innovasion faoliyatni rivojlantirish bo‘yicha hamkorlik kelishuvi imzolandi. Innovasion rivojlanish vazirligi va viloyat hokimligi Jizzax viloyatida ilmiy va innovasion faoliyatni rivojlantirish bo‘yicha hamkorlikda amalga oshiriladigan kelishuvda viloyatda ilm-fan, texnologiya, tadqiqot va tajriba-konstruktorlik va innovasiyalar sohalarida hamkorlikni o‘rnatish, rivojlantirish va chuqurlashtirishga yo‘naltirilgan qo‘shma chora-tadbirlarni amalga oshiradilar.

Shuningdek, mazkur kelishuv doirasida resurslarni tejaydigan texnologiyalarni yaratish va rivojlantirish bo‘yicha qo‘shma o‘quv va tadqiqot dasturlari loyihalari amalga oshiriladi.

Uchrashuv doirasida viloyat hokimligida viloyatda joylashgan OTM tomonidan yaratilgan ilmiy ishlanmalari ko‘rgazmasi tashkil etildi. Ko‘rgazmada O‘zMU Jizzax filialining professor-o‘qituvchilari tomonidan ishlab chiqilgan 10 dan ziyod ilmiy loyihalari bilan ishtirok etdi. Unda filial professor-o‘qituvchilari, tadqiqotchilar va talabalari tomonidan yaratilgan ishlanmalari taqdimotlari o‘tkazildi.

Mazkur ko‘rgazmalarni Innovasion rivojlanish vaziri I.Abdurahmonov va viloyati hokimi E.Saliyev ham ko‘zdan kechirishib, yuqori baho berishdi. Taqdimotlar natijasida  filial olimlari tomonidan yaratilgan 2 ta ishlanmaga Respublika miqiyosida amalga oshirilishi rejalashtirilgan loyihalarda ishtirok etishiga tavsiya etildi. Yana bir loyiha filialning iqtidorli talabasi D.Raxmatovning “VR APP  (virtual reality application) - virtual reallikni mujassamlashtirgan mobil ilovalar orqali o‘qitish mexanizmi” nomli ishlanmasini Innovasion rivojlanish vaziri I.Abduraxmonov tomonidan amaliyotga joriy etish bo‘yicha tavsiya etildi.