Oliy va o‘rta maxsus ta’lim vazirligi tomonidan yurtimizdagi OTMlarning yoshlar bilan ishlash bo‘yicha prorektorlari hamda Kasbiy ta’limini rivojlantirish va muvofiqlashtirish hududiy boshqarmalarining mas’ul xodimlari uchun ikki kunlik o‘quv-seminari tashkil etildi.

O‘zbekiston davlat san’at va madaniyat institutida bo‘lib o‘tgan o‘quv seminari OTMlarda yoshlar bilan ishlash, ma’naviy-ma’rifiy ishlarni yanada takomillashtirish, O‘zbekiston Respublikasi Prezidentining O‘zbekiston Oliy Majlisiga Murojaatnomasini keng targ‘ib qilish mavzuciga bag‘ishlandi. 

Prezident Shavkat Mirziyoyevning Oliy Majlisga va O‘zbekiston xalqiga yo‘llagan Murojaatnomasida joriy yilda oliy ta’lim tizimidagi ustuvor vazifalar qayd etildi. Mazkur jarayonlarda, avvalo, Yoshlar bilan ishlash bo‘yicha prorektorlar jonbozlik ko‘rsatishlari kerak. 

 Respublikamizdagi oliy o‘quv yurtlari prorektorlari ishtirokida tashkil etilgan o‘quv seminarida ana shular haqida ma’lumotlar berildi.

Tadbir qatnashchilari e’tiboriga institut professor-o‘qituvchilar, O‘zbekiston xalq artisti, O‘zbekiston xalq hofizi, O‘zbekistonda xizmat ko‘rsatgan artistlari, Alisher Navoiy nomidagi Davlat Akademik katta teatri solistlari tomonidan tayyorlangan kengaytirilgan konsert dasturi namoyish etildi.

OO‘MTV Axborot xizmati