Mirzo Ulug‘bek nomidagi O‘zbekiston Milliy universitetining Jizzax filiali tomonidan viloyat Xalq ta’limi boshqarmasi bilan hamkorlikda maktab amaliyotchi psixologlar uchun maxsus seminar-treninglar o‘tkazildi.

Amaliyotchi psixologlarning kasbiy mahoratlarini oshirishga qaratilgan maxsus psixologik o‘quvlar rejasi filialning “Psixologiya” fakulteti, “Psixologiya va gumanitar fanlar” kafedrasi professor-o‘qituvchilari tomonidan ishlab chiqildi. Treninglar maktab amaliyotchi psixologlari malakasini oshirishga qaratilgan innovasion va zamonaviy psixologik texnologiyalarga asoslangan mahorat darslaridan iborat.

Hamkorlikda belgilangan reja asosida viloyatning barcha 542 ta maktabida faoliyat yuritayotgan 894 nafar maktab amaliyotchi psixologlari “Muloqot madaniyati”, “Notiqlik san’ati”, “Suisidologiya”, “Psixodiagnostika (Fiziognomika)” va “Liderlik layoqati”  mavzularida o‘qidilar. 

Bola ruhiyatidagi o‘zgarishlarni erta anglab, uni sog‘lom turmush tarziga yo‘naltirishga xizmat qiladigan mutaxasislik o‘qituvchilari maxsus dastur asosida davom ettirilishi belgilanib olindi.