Jahon bozoriga IT mahsulotlarini olib chiqish va uzoq muddatli hamkorlik yuzasidan tashkil etilgan ushbu uchrashuvda filialimiz direktori O.Turakulov shaxsan oʻzlari ishtirok etdi. Mehmon sifatida Jizzax shahridagi IT Park filiali loyihasi maslahatchisi Jayaram Partasarti va shuningdek, Ladder Consultancy Services Pvt Ltd (Ishga qabul qilish bo'yicha maslahat xizmatlari) kompaniyasining bosh direktori va asoschisi, Ramanan Vaidyanatan online ravishda o'zlarining amalga oshirayotgan loyihalari bo'yicha oʻz ma'lumotlarini berishdi va filial jamoasi bilan suhbat olib borishdi.

 Qolaversa, uchrashuvda filialimiz rahbariyati dasturiy mahsulotlar va axborot texnologiyalari texnologik parki (IT-park) hududiy filiali inkubatsiya markazlarini tashkil etish hamda uning faoliyatini yo‘lga qo‘yish bo‘yicha dastur namunasi (loyiha)  ishlab chiqish jarayonining keyingi bosqichlari bo'yicha IT Park filiali loyihasi maslahatchisi Jayaram Partasarti bilan muloqot olib bordi.

 Uchrashuv yakunida, filial direktori O.Turakulov  IT Park rahbariyati bilan boʻlgan navbatdagi ushbu uchrashuv bizni ruhlantirgan holda keyingi hamkorlik faoliyatimizda yanada professional va ma'suliyat bilan ishlashga dalda beradi - deya aytib o'tdi.

Filial Axborot xizmati