O‘zbekiston Respublikasi Prezidentining 2021-yil 14-yanvardagi 6141-son farmoni bilan Abdukodir Xamidovich Toshkulov O‘zbekiston Respublikasi oliy va o‘rta maxsus ta’lim vaziri lavozimiga tayinlandi . 

 Shuningdek, Vazirlar Mahkamasining tegishli qarorlari bilan:

Inomjon Urishevich Majidov O‘zbekiston Milliy universiteti rektori (15-son, 14.01.2021 y);

 O‘ktam Rahimovich Salomov Farg‘ona politexnika instituti rektori (14-son, 14.01.2021 y);

 Avazjon Rahimovich Marahimov Termiz davlat universiteti rektori (15-son, 14.01.2021 y) lavozimiga tayinlandi.

Ma’lumki, amaldagi qonun hujjatlariga binoan, Vazirlar Mahkamasi a’zolari, vazirlar lavozimga tayinlanishidan avval ularning nomzodi Oliy Majlis Qonunchilik palatasida deputatlar tomonidan ko‘rib chiqiladi.
Bugun, 2021 yil 14 yanvar kuni Oliy Majlis Qonunchilik palatasining navbatdagi majlisi bo‘lib o‘tdi. Unda deputatlar Oliy va o‘rta maxsus ta’lim vaziri lavozimiga Abduqodir Toshqulov nomzodini ko‘rib chiqdilar va ma’qulladilar. Bunga qadar A.Toshqulov Termiz davlat universiteti rektori lavozimida ishlab kelayotgan edi.

Abduqodir Toshqulov 1976 yil Surxondaryo viloyati, Boysun tumanida tug‘ilgan. 1998 yilda Termiz Davlat universitetini tugatgan. Mehnat faoliyatini Termiz davlat universiteti moliya va soliq tizimi kafedrasi o‘qituvchisi bo‘lib ishlashdan boshlagan. U 2017 yildan Termiz davlat universiteti rektori lavozimida ishlab kelmoqda. Senator.