Bugun "Direktor va yoshlar" loyihasi doirasida O‘zbekiston Milliy universitetining Jizzax filiali direktori  Turakulov Olim Xolbutayevich va filialda tahsil olayotgan talabalar bilan uchrashuv bo'lib o‘tdi.

Muloqot davomida Prezidentimiz Murojaatnomasida ijtimoiy sohani rivojlantirish borasida belgilangan vazifalar, shuningdek, Oliy taʼlim tizimini “Korrupsiyasiz soha”ga aylantirish – dolzarb vazifalari, talabalar uchun berilayotgan imtiyozlar va imkoniyatlar haqida batafsil ma’lumotlar taqdim etildi.

Oʻzbekiston Respublikasining “Korrupsiyaga qarshi kurash toʻgʻrisida”gi qonuni va davlatimiz rahbarining “Oʻzbekiston Respublikasida korrupsiyaga qarshi kurashish tizimini yana-da takomillashtirish chora-tadbirlari toʻgʻrisida”gi farmonida oliy taʼlim tizimini “Korrupsiyasiz soha”ga aylantirish borasida konseptual fikrlar oʻrtaga tashlangani bejiz emas - deya ta'kidladi filial direktori. Jonli muloqot davomida ko‘plab talabalar o‘z fikr-mulohazalarini bildirdilar hamda o‘zlarini qiziqtirayotgan barcha turdagi masalalar yuzasidan filial direktoriga to‘g‘ridan-to‘g‘ri murojaatlarini yo‘lladilar.  

 "Direktor va yoshlar" loyihasi juda foydali va samarali bo‘ldi. Shuningdek talabalarga o‘z takliflari va muammolarini ijtimoiy tarmoq(https://t.me/Direktorqabulxonasibot)lardagi va filialning rasmiy sahifalaridagi murojaatlar bo‘limiga yo‘llash imkoniyati haqida batafsil ma’lumotlar berildi.

Filial Axborot xizmati.