O‘zMU Jizzax filiali direktori O.Turakulov filial kengashida bir necha xalqaro tanlovlar sovrindor talabalarini taqdirladi.

Penzada shahrida Rossiya, Belarus va Markaziy Osiyo mamlakatlari talabalari o‘rtasida har yili an’anaviy tarzda o‘tkazilib kelinayotgan "Конкурс лучших студенческих работ VI" xalqaro ilmiy-amaliy maqolalar tanlovida "Amaliy matematika" fakulteti 103-19 guruh talabalari Raxmatov Dilmurod, Abdug‘aniev Axror, Bo‘riboev Abdufarruxlar faxrli 2- o‘rinni qo‘lga kiritishdi.

"One Million Uzbek Coders" loyihasi doirasida filialimiz iqtidorli talabasi Raxmatov Dilmurod "Nanodegree" o‘quv kurslarini muvaffaqiyatli yakunladi va sertifikatga ega bo‘ldi.

Shuningdek, filialimizning “Amaliy matematika” fakulteti “Tabiiy fanlar va iqtisodiyot” kafedrasi 1-bosqich 141-20 “Iqtisodiyot (tarmoqlar va sohalar bo‘yicha)” yo‘nalishi talabasi Sherbekov Laziz Bahodir o‘g‘li (ilmiy rahbarlari To‘ychieva N.G‘., Velieva S.R.)  Rossiya Federatsiyasi Ta'lim, fan va yoshlar vazirligi, Qrim Respublikasi davlat byudjeti ta'lim muassasasining “Fevzi Yoqubov nomidagi Qrim muhandislik-pedagogika universiteti”ning “Moliya va kredit” yo‘nalishi bo‘yicha o‘tkazilgan Xalqaro olimpiadasida muvaffaqiyatli  ishtirok etib faxrli  2-o‘rin bilan taqdirlandi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube