Joriy yilning 2-fevral kuni Jizzax shahridagi IT Park filiali binosida O‘zbekiston Respublikasi Oliy Majlisi Qonunchilik palatasi deputati Muqaddas Tirkasheva, Jizzax viloyat ekologik partiyasi shahar va tuman deputatlari hamda O‘zMU Jizzax filiali  talabalari bilan uchrashuv bo‘lib o‘tdi. Uchrashuvni Jizzax viloyat ekologik partiyasi rais o‘rinbosari Eldor Jabborov ochib, filial talaba-yoshlariga tadbirga tashrif buyurgan Oliy Majlisi Qonunchilik palatasi deputati M.Tirkashevani tanishtirdi.

Uchrashuvda deputat M.Tirkasheva yoshlarga O‘zbekiston Respublikasi Oliy Majlisi Qonunchilik palatasida qonun ijodkorligi bo‘yicha amalga oshirilayotgan ishlar, deputat o‘z so‘zida O‘zbekiston Respublikasi saylov qonunchiligida bo‘ladigan o‘zgarishlar va yoshlar parlamenti haqida gapirib o‘tdi. Shuningdek, mamlakatimiz, xususan viloyatimizda olib borilgan ulkan bunyodkorlik ishlari haqida to‘lqinlanib gapirdi.

Yoshlarni atrof muhitga e’tiborli bo‘lishi va ekologiyani asrashda o‘z hissalarini qo‘shishga da’vat etdi. Shu bilan bir qatorda yoshlarni ekologik partiyaga a’zo bo‘lishga, vatanimiz taraqqiyotiga o‘z hissasini qo‘shishga chaqirdi. O‘zbekiston Respublikasi Oliy Majlisi Qonunchilik palatasi deputati M.Tirkasheva talaba-yoshlarni qiziqtirgan savollariga javob qaytardi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube