2020-yilning 2-fevral kuni filialning faollar zalida “Yoshlar orasida giyohvandlikka qarshi kurash” mavzusida ochiq suhbat tashkil etildi.

Joriy yilning 1-fevralidan 1-martiga qadar respublika miqyosida ichki ishlar organlari, Oliy va o'rta maxsus ta'lim vazirligi, Fuqarolarning o'zini o'zi boshqarish organlari faoliyatini muvofiqlashtirish bo'yicha Respublika Kengashi hamda boshqa manfaatdor idora va tashkilotlar vakillari bilan hamkorlikda “Yoshlar orasida giyohvandlikka qarshi kurash” oyligi doirasida tezkor-profilaktik tadbiri o'tkazildi.

Suhbatda O'zbekiston Respublikasi ichki ishlar vazirligi Jinoyat qidiruv boshqarmasi o'ta muhim ishlar bo'yicha katta tezkor vakil podpolkovnik Olimjon G'ofurov, Jizzax viloyat IIB jinoyat qidiruv boshqarmasi boshlig‘i o'rinbosari podpolkovnik Obidjon Sherqulov, Jizzax viloyat IIB huquqbuzarliklar profilaktikasi boshqarmasi boshlig'i o'rinbosari podpolkovnik Laziz Isayevlar hamda filial talabalari ishtirok etishdi.

Suhbatni filialning o'quv va tarbiyaviy ishlar bo'yicha direktor o'rinbosari Nodir Rahimov ochib berdi.

  Birinchi bo‘lib so‘zga Olimjon G'ofurov chiqdi va yoshlar o‘rtasidagi turli-xil jinoyatlar soni oshayotgani, bunga qarshi kurashda hech birimiz befarq bo‘lmasdan qo‘limizdan kelgancha yordam berishimiz haqida gapirib o‘tdi. Firibgarlik, zo‘ravonlik kabi salbiy holatlarning ko‘pi aynan yoshlar qatlami ishtirokida sodir etilayotganligi, soha hodimlarini yanada ko‘proq profilaktik tadbirlar tashkil etishlari zarurligini anglatishidan dalolat berishi haqida so‘z yuritar ekan, bu borada oliy ta’lim tizimi yoshlaridan ko‘mak so‘radi. Hozirgi internet zamonida har bir inson o‘z fikrini ijtimoiy tarmoqlar orqali bildira olishi haqida lekin bu so‘z erkinligi tufayli ba’zi bir fuqarolar tanqid bilan tuhmatni farqiga bormay qolayotgani va bu jinoiy yoki ma’muriy javobgarlikka sababchi bo‘lishidan ogohlantirdi. So‘zini ohirida bir qancha talabalar savollariga javoblar berib o‘tdi.

Keyin so‘zga chiqqanlardan Obidjon Sherqulov hozirgi kunda yoshlar o‘rtasida turli xil sarhush qiluvchi ta’qiqlangan giyohvand va psixatrop tabletkalar qabul qilish holatlari ko‘payib borayotgani va bu holat keyinchalik bu moddalar ta’sirida insonning ba’zi bir a’zolarining kasallanishi, buning oqibatida nogironlik hamda o‘lim holatlari kelib chiqayotganligi haqida aytib o‘tdi. Bu vositalarni tarqatish-sotish kabi jirkach illatlar keyinchalik o‘zining kelajak hayotiga salbiy ta’sir o‘tkazishi, jinoiy javobgarlikka tortilishi haqida tushunchalar berdi.

O'tkazilgan profilaktik-ogohlantiruv, tashviqot-targ'ibot tadbirida Ichki ishlar vazirligi Jinoyat qidiruv bosh boshqarmasi Giyohvandlik vositalari bilan qonunga xilof ravishda muomala qilishga qarshi kurashish boshqarmasi va Milliy teleradiokompaniyasi bilan hamkorlikda tayyorlangan “O'zini yo'qotganlar” nomli hujjatli videofilmi namoyish etildi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube