“Direktor kubogi”: bugun yarim final hamda final uchrashuvlari bo‘lib o‘tadi

1-fevral kuni 4 ta o‘yin bilan START olgan Oʻzbekiston Milliy universitetining Jizzax filialida mehnat faoliyatini olib borayotgan rahbar-xodimlar, professor-o‘qituvchilar hamda ishchi-xodimlar o‘rtasida sportning futzal turi bo‘yicha an’anaviy "Direktor kubogi" musobaqasining yarim filnal hamda final uchrashuvlari bugun bo‘lib o‘tadi.

Sportning ommaviyligini oshirish, qolaversa, sog‘lom turmush tarzini targ‘ib etish maqsadida o‘tkazilayotgan musobaqalarda professor-o‘qituvchilarimiz katta qiziqish bilan ishtirok etishmoqda.

Musobaqada filialning barcha fakultet, kafedra va bo‘limlaridan jamoalar ishtirok etmoqda. Murosasiz kechgan chorak final uchrashuvlarining biri “Amaliy matematika va informatika” kafedrasi hamda “Direktorat” jamoalari bahsi o‘rtasida kechdi. Raqiblaridan 8:6 hisobida qo‘li baland kelgan “Direktorat” jamoasi yarim final yo‘llanmasini qo‘lga kiritdi.

Chorak finalda omadi kulib boqqan 4 ta jamoa – “Direktorat” - “Psixologiya” hamda “Ishlar boshqarmasi” - “O‘zbek tili va adabiyoti” juftliklari musobaqaning final bosqichi gʻolibligi kimga nasib etishi masalasiga oydinlik kiritib olishadi.

Keskin, murosasiz va hujumkor ruhda oʻtayotgan futzal musabaqasi hal qiluvchi bosqichiga yetib kelgan jamoalarga omad tilab qolamiz.

Uchrashuvlar 3-fevral soat 18:00 da boshlanadi.

“Direktor kubogi” o‘yinlarining g‘olib va faol ishtirokchilari filial direktori hamda kasaba uyushma qo‘mitasining diplom va esdalik sovg‘alari bilan taqdirlanadi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube