"Direktor kubogi" — Finalda 3:1 hisobi qayd etildi

O‘zbekiston Respublikasi Prezidentining 2020-yil 30-oktabrdagi «Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida»gi PF-6099 farmoni hamda 5 ta muhim tashabbusning ikkinchi yo‘nalishi ijrosini ta’minlash maqsadida filialimizda mehnat faoliyatini olib borayotgan rahbar-xodimlar, professor-o‘qituvchilar hamda ishchi-xodimlar o‘rtasida sportning futzal turi bo‘yicha o‘tkazilgan “Direktor kubogi” musobaqasining final bosqichi o‘yini bo‘lib o‘tdi.

"Rektorat" hamda "O‘zbek tili va adabiyoti" jamoalari oʼrtasida boʼlib oʼtgan oʼyinning asosiy vaqti natijasiga koʼra 1:1 hisobi qayd etildi va qo’shimcha taymlarda kiritilgan ikki gol "Rektorat" jamoasini 3:1 hisobida g‘alaba qozonishini ta’minladi.

Bellashuv so‘ngida filial direktori O.Turakulov so‘zga chiqib,  filialda jamoaviy sport turlarini yanada ommalashtirish masalalariga alohida urg‘u berish maqsadida sportning futsal turi bo`yicha filial professor-o`qituvchilari va ishchi-xodimlari o`rtasida “Direktor kubogi” sport musobaqalari tashkil etilgani professor-o`qituchilar, ishchi-xodimlar o`zaro hamjihatlik va sog‘lom turmush tarziga qaytarishga yordam berdi – deya ta’kidlab o‘tdi. Shuningdek, final bahsida "O‘zbek tili va adabiyoti" jamoasi hujumchisi U.Turg‘unov ajoyib o‘yin ko‘tsatgani e’tirof etildi. 

Shundan so‘ng filial direktorining ko‘chma kubogi champion jamoaga topshirildi.

Sport musobaqasi yakunida quyidagi natijalar qayd etildi:

1-o`rin – «Rektorat jamoasi «Direktor kubogi»ni qo`lga kiritdi.

2-o`rin –  «O‘zbek tili va adabiyoti» jamoasi;

3-o`rin – «Bunyodkor» jamoasi;

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube