2020-yilning 2-fevral kuni filialning faollar zalida “Yoshlar orasida giyohvandlikka qarshi kurash” mavzusida ochiq suhbat o‘tkazilgan edi. Ushbu tadbirning davomi sifatida filial murabbiylar Kengashi va "Psixologiya" fakulteti xotin-qizlar tomonidan "Ayol jamiyat tayanchi" mavzusida talaba-qizlar bilan uchrashuv tashkil etildi.

Suhbat davomida yoshlar o'rtasida ayniqsa 28 yoshgacha bo'lgan xotin-qizlar orasida uchraydigan giyohvandlik, firibgarlik, zo‘ravonlik kabi salbiy holatlarning ko‘payib borayotganligi, bu esa aynan yoshlar qatlami ishtirokida sodir etilayotganligi, narkotik moddalarni bo'lg'usi ona organizmiga salbiy ta'siri oqibatida esa bir oilaning barbod bo'lishidek ayanchli holatlar jamiyatni tanazzulga olib boruvchi omil ekanligi ta'kidlab o'tildi.

Hozirgi kunda yoshlar o‘rtasida turli xil sarhush qiluvchi ta’qiqlangan giyohvand va psixatrop tabletkalar qabul qilish holatlari ko‘payib borayotgani va bu holat keyinchalik bu moddalar ta’sirida insonning ba’zi bir a’zolarining kasallanishi, buning oqibatida nogironlik hamda o‘lim holatlari kelib chiqayotganligi haqida aytib o‘tdi. Bu vositalarni tarqatish-sotish kabi jirkach illatlar keyinchalik o‘zining kelajak hayotiga salbiy ta’sir o‘tkazishi, jinoiy javobgarlikka tortilishi haqida tushunchalar berdi. Tadbir so'ngida Ichki ishlar vazirligi Jinoyat qidiruv bosh boshqarmasi Giyohvandlik vositalari bilan qonunga xilof ravishda muomala qilishga qarshi kurashish boshqarmasi va Milliy teleradiokompaniyasi bilan hamkorlikda tayyorlangan “O'zini yo'qotganlar” nomli hujjatli videofilmi namoyish etildi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube