Bugun O‘zbekiston Milliy universitetining Jizzax filiali kichik majlislar zalida O‘zbekiston Respublikasi Vazirlar Mahkamasi huzuridagi Oliy Attestasiya komissiyasi raisi Ahmadbek Yusupov hamda filialimiz ilmiy pedogogik jamoasi bilan uchrashuv bo‘lib o‘tdi. 

Unda O‘zbekiston Respublikasi Vazirlar Mahkamasi huzuridagi Oliy Attetatsiya komissiyasining raisi Ahmadbek Yusupov ilmiy tadqiqotchilar, doktorantlar, mustaqil izlanuvchilar, ilmiy ish olib borayotgan professor –o‘qituvchilar tomonidan bugungi dissertatsiya himoyalariga qo‘yilayotgan talablar, o‘zgarishlar xususidagi ko‘plab, savollarga batafsil javoblar berib o‘tdi. Shuningdek, yosh olimlar dissertatsiyalar, avtoreferatlarni rasmiylashtirish bilan bog‘liq bosqichlar yuzasidan ham tushunchalarga ega bo‘lishdi.

Uchrashuv so‘ngida OAK raisi dissertatsiyaga tayyorlayotgan yosh ilmiy tadqiqotchilarning avtoreferatlari talab darajasida ekanligini ko‘rib chiqib bu borada kerakli fikr mulohazalarini ham bildirib o‘tdi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube