O‘zbekiston Respublikasi Prezidentining “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi 2020 yilning 6 noyabrdagi PF-6108-son Farmoni ijrosi yuzasidan Mirzo Ulug‘bek nomidagi O‘zbekiston Milliy universitetining Jizzax filiali Amaliy matematika fakulteti A.Boboyev, “Tabiiy fanlar va iqtisodiyot” kafedrasi professor-o‘qituvchilari O‘.Halimov va B.Pulatovlar 2021-yil 12-fevral kuni Forish tumanidagi 68-umumta’lim maktabi tashrif buyurishdi.

O‘zbekiston Milliy universitetining Jizzax filiali "Amaliy matematika" fakulteti jamoasi Forish tuman xalq ta’limi bo‘limiga qarashli 68-sonli umumiy o‘rta ta’lim maktabi o‘quvchilari o‘rtasida o‘tkazilgan fan olimpiadasi g‘oliblariga "Direktor stipendiyasi" ni topshirish marosimini o‘tkazdilar. Tadbirda filial jamoasi professor-oʼqituvchilari, maktab maʼmuriyati va yuqori sinf o‘quvchilari ishtirok etdi.

Oʻzbekiston Respublikasi Prezidenti Sh.Mirziyoyev tomonidan ilgari surilgan 5 ta muhim tashabbuslari doirasida filialning "Amaliy matematika" professor-oʼqituvchilari maktabda o'quvchilar o'rtasida stol tennisi bo'yicha musobaqalar o'tkazishdi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube