2021-yil 4-mart kuni Mirzo Ulug‘bek nomidagi O‘zbekiston Milliy universitetining Jizzax filiali faollar zalida filial xotin-qizlar masalalari bo‘yicha kengashi, Jizzax viloyat ma’naviyat va ma’rifat bo‘limi hamda Jizzax viloyat hunarmandlar uyushmasi, filial axborot-resurs markazi bilan hamkorlikda “Milliy liboslar ma’naviyat ko‘zgusi” shiori ostida tadbir o‘tkazildi.

O'zbekiston o'z taraqqiyotining yangi – Milliy yuksalish bosqichi davrida yoshlarimizni sog'lom fikrlaydigan, mafkuraviy immunitetga ega, ona Vatanga sadoqatli, umuminsoniy va milliy qadriyatlarini tarbiyalash asosiy vazifamizdir. Bugun yoshlarimiz o’rtasida milliy qadriyatlarimiz, urf-odatlarimizni targ’ib yetish, ularni "ommaviy madaniyat" ta’siridan asrash asosiy vazifamizdir. "Milliy libos-ma’naviyat ko’zgusi" mavzusidagi milliy qadriyatlar va liboslarni qizlar o’rtasida targ’ib etishiga qaratilgan tadbir ham yoshlarimizni ma’naviyatni yuksaltirishga qaratilganligi bilan alohida ahamiyatlidir.

Ushbu tadbirda O‘zbekiston Respublikasi ma’naviyat va ma’rifat markazi Jizzax viloyat bo‘limi rahbari I.Umarova  O‘zbekiston Respublikasi Prezidentining 2021-yil 19-yanvardagi Ma’naviyat va ma’rifat kengashi yig‘ilishining mazmun mohiyati to'g'risida o'z ma'ruzasi bilan ishtirok etdi.

Shuningdek,  O‘zbekiston Respublikasi hunarmandlar uyushmasi Jizzax viloyat bo‘linmasi a’zosi Milliy katalogdan joy olgan hunarmand G.Astanaqulova Milliy qadriyatlar, talaba qizlarning kiyinish ma’daniyati hamda qadimiy liboslar kolleksiyasini namoyish etdi.

Filialimiz talaba-qizlari tomonidan milliy liboslar kolleksiyasi ham yig'ilganlarga namoyish etildi.

Jizzax ixtisoslashgan san’at maktabi o'quvchilari "Bahor valsi" bilan tadbirning badiiy qismida o'z chiqishlari bilan ishtirok etishdi.

Tadbir so'nggida talaba-qizlarga filial direktorining tashakkurnomalari topshirildi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube