Zafarobod tumani XTBga qarashli 12-sonli umumta'lim maktabida 8-mart Xalqaro xotin-qizlar kuni munosabati bilan bayram tadbiri bo'lib o'tdi. Ushbu tadbirda maktab jamoasi, o'quvchilar hamda ota-onalar va filialimizning iqtidorli talabalari ishtirok etishdi.

O‘zbekiston Milliy universitetining Jizzax filiali "Psixologiya" fakulteti jamoasi Zafarobod tuman xalq ta’limi bo‘limiga qarashli 12-sonli umumiy o‘rta ta’lim maktabi o‘quvchilari o‘rtasida fevral oyi uchun o‘tkazilgan fan olimpiadasi g‘olibasiga "Direktor stipendiyasi" ni tantanali topshirildi.

Shuningdek, maktabning boshlang'ich sinf o'quvchi-qizlari ishtirokida "Jajji malika" ko'rik tanlovi tashkil etilib, g'oliblar faxriy yorliq va qimmatbaho sovg'alar bilan taqdirlanishdilar.

Tadbir davomida “Psixologiya” fakultetining "GRAND" quvnoqlar va zukkolar jamoasi o'z chiqishlari bilan ishtirok etishdi. Qiziqarli sahna ko'rinishlari bilan maktab jamoasi, o'quvchilar hamda ota-onalarning olqishlariga sazovor bo'lishdi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube