Jizzax shahridagi anjumanlar saroyida O‘zbekiston Respublikasi Prezidenti Shavkat Mirziyoyevning topshirig‘iga muvofiq, respublika hududlarida sektor rahbarlari uchun “Mahallabay” ishlash tizimini samarali tashkil etishning mazmun-mohiyatini tushuntirish maqsadida seminar-trening tashkil etildi.

Seminar-treningda viloyat hokimi Ergash Saliyev, O‘zbekiston Respublikasi Prezidenti huzuridagi Davlat boshqaruvi akademiyasi rektori Adxam Bekmurodov, O‘zbekiston Respublikasi Prezidenti Administrasiyasi yetakchi inspektori Xayrulla Abdurasulov, O‘zbekiston Respublikasi Markaziy bank raisi o‘rinbosari Ayubxon Kamolov, Davlat boshqaruvi akademiyasi dosenti Ne’matxon Xamraxudjayev, Davlat boshqaruvi akademiyasi o‘qituvchisi Dilshod Yakubov, Davlat boshqaruvi akademiyasi Guliston filiali direktori Azamat Shoimqulov, Davlat boshqaruvi akademiyasi Guliston filiali dosenti Lutfiya Qodirova, Davlat boshqaruvi akademiyasi o‘qituvchisi Alisher Eshonqulov hamda viloyat, shahar va tumanlar sektor rahbarlari ishtirok etishdi. Mahallabay ishlashning yangi tizimini joriy etish bo‘yicha tashkil etilgan mazkur seminar-treningda mas’ul bo‘lgan professor-o‘qituvchilar mavzu yuzasidan so‘zga chiqishdi.

Tashkil etilgan seminar-trening so‘ngida ishtirokchilar bilan suhbat-munozara tarzidagi savol javob o‘tkazildi.