O'zbekiston Milliy universitetining Jizzax filiali hozirda dunyoning boshqa universitetlari qatorida Rossiya Federatsiyasining oliy ta’lim muassasalari bilan ham hamkorlik aloqalarini olib bormoqda. Jumladan, joriy yilning 23-mart kuni Rossiya Federatsiyasining Lev Tolstoy nomidagi Tula davlat pedagogika universiteti rahbariyati bilan xalqaro hamkorlik yuzasidan onlayn tarzda uchrashuv o’tkazildi.

Ta’lim tizimini jahon andozalari darajasiga kо‘tarish kunning dolzarb vazifasiga aylangani sababli bu sohani kuchaytirishga alohida e’tibor qaratilmoqda. Shuningdek, ikki tomonlama aloqalarning mustahkamlanishi borasida qator ishlarni amalga oshirish, oliy ta’lim muassasasiga ta’lim sohasida tajriba almashish maqsadida turli xorijiy OTM vakillari bilan onlayn uchrashuvlar, chet el oliy o‘quv yurtlari profesor-o‘qituvchilari va tadqiqotchilari bilan muntazam tajriba va malaka almashish mexanizmi ishlab turibdi.

Rossiya Federatsiyasining Lev Tolstoy nomidagi Tula davlat pedagogika universiteti bilan bo'lib o'tgan konferensiyada Akademik almashuv asosida universitet professor-o‘qituvchilari va talabalari ham muntazam ravishda chet el universitetlariga o‘qish, malaka oshirish va turli anjumanlarda ishtirok etish uchun yuborish va boshqa yo'nalish bo'yicha kelajakdagi hamkorlik masalalari muhokama qilindi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube