Xorijiy (jumladan qo‘shni) davlatlardagi Oliy ta’lim muassasalarida tahsil olayotgan (olgan) talabalarning 2020/2021 o‘quv yili uchun Respublika oliy ta’lim muassasalariga o‘qishini ko‘chirishga amaldagi tartiblarga muvofiq quyidagi holatlarda RUXSAT ETILMAYDI:

Davlat akkreditatsiyasidan o‘tmagan Oliy ta’lim muassasalarida tahsil olayotganlarga;

Masofaviy (onlayn) ta’lim shaklida tahsil olayotganlarga.

Xorijda o‘qiyotgan oliy ta’lim muassasasi tomonidan talabaning o‘qishi to‘g‘risdagi tegishli hujjatlar (ma’lumotlar) O‘zbekiston oliy ta’lim muassasasi pochta manziliga yo‘llanmasa;

Shu bilan birga, xorijiy (jumladan qo‘shni) davlatlardagi oliy ta’lim muassasalariga o‘qishga taklif etayotgan norasmiy firmalar, fuqarolar va boshqa shu kabi firibgarlarga ishonib qolmaslik tavsiya etiladi. Zero, shu toifadagi shaxslar talabalikka qabul qilish yoki o‘qishni ko‘chirish bo‘yicha hech qanday vakolatga ega emas.

Respublika oliy ta’lim muassasalariga talabalar o‘qishini ko‘chirish bo‘yicha yangiliklar va to‘liq ma’lumotlar bilan Oliy va o‘rta maxsus ta’lim vazirligining rasmiy veb-sayti (www.edu.uz) hamda telegram kanali (@eduuz) orqali tanishib borishingiz mumkin.