Mirzo Ulug'bek nomidagi O'zbekiston Milliy universitetining Jizzax filiali tashabbusi bilan Jizzax shahridagi mahallalarda "Bir ziyoli bir mahallaga ma'naviy homiy" tamoyili asosida targ'ibot ishlari, xayriya tadbirlari tashkil etilmoqda.

Xayr-sahovat, mehr-muruvvat kabi insoniy tuyg'ular hayotimizga mazmun baxsh etadi, qalbimizni yoritadi. Yordamga muxtoj insonlarga ko'mak ko'rsatish, ularga moddiy va ma'naviy jihatdan yordam berish eng savobli amallardan sanaladi. Filial direktori hamda professor-o'qituvchilari Jizzax sharida joylashgan "Jizzaxlik" mahallasida bo'lishdi va yordamga muxtoj insonlarning holidan xabar olishdi.

Yoshi ulug' nuroniylar va ijtimoiy himoyaga muxtoj oila vakillariga zaruriy oziq-ovqat mahsulotlarini tarqatishdi. Shuningdek, filialimiz rahbariyatining tashrifi va samimiy suhbatlari ularning ko'ngillariga bir olam shodlik baxsh etdi.

Mahalla ahliga xursandchilik ulashish, yordamga muxtoj insonlarga ko'mak berish maqsadida tashkil etilgan tadbirlar iftorlik hayriya oshiga ulanib ketdi. Unga "Jizzaxlik" mahallasida istiqomat qiluvchi aholi vakillari taklif etildi.

"Bir ziyoli bir mahallaga ma'naviy homiy" tamoyili asosida amalga oshiralayotgan O'zMU Jizzax filialining targ'ibot, xayriya tadbirlari ko'plab yurtdoshlarimizning mamnunligiga sabab bo'lmoqda. Eng muhimi bunday savobli ishlar muntazam ravishda tashkil etilmoqda.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube