2021-yil 29-aprel kuni O'zbekiston Milliy universiteti Jizzax filialining "O'zbek tili va adabiyoti" kafedrasi professor-o'qituvchilari filialimiz talabalar turar joyida iftorlik dasturxonini tashkil etishdi. Kafedra tashabbusi bilan tashkil etilgan ushbu ehson oshi damlanib, Talabalar turar joyida yashaydigan о‘g‘il-qizlarning barchasi ushbu ne’matdan bahramand bо‘lishdi.

Bu jarayon o'z o'rnida kafedra professor-o'qituvchilarining talabalarni yanada yaqinroq bilib olishlariga va ulardagi muammolardan boxabar bo'lish imkonini yaratdi. Iftorlikdan so'ng professor-o'qituvchilar talabalarning bo'sh vaqtini mazmunli o'tkazish maqsadida ular bilan suhbatlashishdi.