Adabiyot – tom ma’noda inson qalbining iniko’sidir. Inson qalbi naqqoshlari bo'lmish shoir va yozuvchilarni yoshligidan parvarish qilib, to'g'ri yo'l ko'rsatilsa, ular ijodida iste’dod va mehnat uyg'unlashtirilsa albatta, jamiyat uchun foyda. O'zbekiston Milliy unversiteti Jizzax fililalining Yoshlar ittifoqi boshlang'ich tashkiloti qoshida tashkil etilgan ijodkorlarining “Nihol” klubi ham yosh ijodkorlarni buyuk maqsadlari sari yo'naltiruvchi badiiy jamoalardan biridir.

Kuni kecha filialning ijodkor talabalari va "Nihol" klubi a'zolar ishtirokida filial Yoshlar ittifoqi yetakchisi taklifi bilan tashrif buyurgan, Jizzax farzandi, ajoyib shoira Shahlo Ahrorova bilan qizg'in ijodiy uchrashuv tadbiri bo‘lib o‘tdi. Tadbirda yoshlar ittifoqi boshlang'ich tashkiloti yetakchisi hamda “Nihol” klubi rahbari   Xolida Sanoqulova boshchiligida bir jamoa qilib birlashtiriligan filialning ijodga qiziquvchi talabalari ishtirok etdilar va ijodkor yoshlar o‘z ijod namunalaridan o‘qib berdilar. tadbir davomida talabalar shoiraning ijodga kirib kelishi va boshqa o'zlarining qiziqtirgan savollariga javob olishdi.

Uchrashuvda tadbir qahramoni, shoira, Shahlo Ahrorova hayotda baxtga, yuksak e’tirof va odamlar mehriga erishmoq uchun kitobga do‘st bo‘lmoq kerakligini talaba yoshlar va tadbir ishtirokchilariga ta'kidlab o'tdi.

Tadbir davomida shoira o‘z ijodidan namunalar o‘qib berdilar.

Bilamizki Shahlo Ahrorovaning juda ko'p she'rlari mashhur san'atkorlar tomonidan qo'shiq bo'lib kuylangan. Shunday qo'shiqlardan filialimizning talabalari tomonidan ijro etilib tadbir ishtirokchilari hushkayfyat ulashgan bo'lsa, shoira qalamiga mansub, Lola Ahmedova tomonidan ijro etilgan "Onojonim" qo'shig'ga filialmizning yosh ijodkor talabalari ajoyib sahna ko'rinish ko'rsatib talaba va ustozlar olqishiga sazovor bo‘lishdi.

Tadbir so'ngida shoira o'zining dastxati tushirilgan kitoblaridan talaba yoshlariga taqdim etib filializmizning ijodkor talabalariga ilhom baxshida etdi. Shuningdek klubning shu kungacha faol a'zosi bo'lgan ijodkor talabalari Shahlo Ahrorova qo'li bilan a'zolik guvohnomasi olishdi.

Ijodiy uchrashuv a'lo kayfiyatda bo'lib o'tdi. Barcha talaba yoshlar ushbu uchrashuvdan katta taasurotlar olishdi.

Filial Axborot xizmati

🏛 O‘zMU Jizzax filialining rasmiy sahifalariga obuna bo‘ling @uzmujizzaxfiliali

jbnuu.uz||Facebook |Instagram |You tube