Ushbu muborak Qurbon hayiti munosabati bilan yurtimiz aholisini, jumladan O'zMU Jizzax filiali jamoasini va talabalarini chin yurakdan muborakbod etaman.

Muborak Qurbon hayiti mohiyatida xayr-u sahovat, mehr-oqibat, insonparvarlik singari azaliy anʼana va qadriyatlarimizni asrab-avaylash, hamda keng targʼib etish, xalqimizning ezgu niyat va orzu-intilishlarini qoʼllab-quvvatlash mujassamdir.

Maʼlumki, Oʼzbekistonda soʼnggi yillarda milliy-diniy qadriyatlarimizni tiklash va rivojlantirish, eʼtiqod erkinligini taʼminlashga alohida eʼtibor qaratilmoqda, turli millat va elatlar oʼrtasida totuvlik, ahillik va hamjihatlik muhiti tobora yuksalib bormoqda. 

“Diling – Аllohda, qoʼling – mehnatda boʼlsin”, degan olijanob eʼtiqod bilan hayot kechirayotgan barcha yurtdoshlarimizni yana bir bor Muborak Qurbon hayiti bilan tabriklayman.