2021-yilning 24-sentabr kuni filial faollar zalida "Amaliy matematika" fakultetida tahsil olayotgan 1-bosqich talabalari uchun Mirzo Ulug‘bek nomidagi O‘zbekiston Milliy universitetining Jizzax filiali direktori O.Turakulov ishtirokida "Direktor va yoshlar" uchrashuvi bo‘lib o‘tdi.

Ochiq muloqot tarzida o‘tkazilgan uchrashuvda filial direktori O.Turakulov mamlakatimizda yoshlar siyosati va unda yoshlarni huquqiy va ijtimoiy muhofaza qilish, iste`dodlarini qo`llab-quvvatlash borasida olib borilayotgan keng ko'lamli islohotlar shuningdek, bu borada filialda talabalarning bilim olishlari uchun yaratilgan shart-sharoitlar va kelgusi vazifalar to‘g‘risida atroflicha fikr yuritdi.

Shundan so‘ng talabalar bilan ochiq muloqotga o‘tildi. Muloqot davomida talabalar tomonidan berilgan ko‘plab savol va takliflarga to‘liq va atroflicha javob berdi.

Talabalar turar joyi, vaqt reglamentlari, talabalar oshxonasi,axborot resurs markazi bilan bog'liq o'nlab masalalarga yechim topildi. Direktor amaliy matematika va axborot texnologiyalari haqida gapirib talabalarda motivatsiya uyg'otdi.

Uchrashuv so‘ngida filial direktori O.Turakulov talabalarga murojaat etib, o‘qish jarayonida yuzaga kelishi mumkin bo‘lgan muammolar hamda uni bartaraf etish yuzasidan takliflar uchun direktor qabulxonasi(@Direktorqabulxonasibot)ga murojaat qilishlari mumkinligini aytib o‘tdi.