Bugun OʼzMU Jizzax filialida “Sen jamiyatga va yaqinlaringga keraksan” shiori ostida 11-oktabr xalqaro qizlar kuni munosabati bilan tadbir boʼlib oʼtdi.

 

Filial xotin-qizlar maslahat kengashi raisi D.Soatova oʼz soʼzida 2012-yil BMT bosh assambleyasida 11-oktabr xalqaro qizlar kunini nishonlashga asos solinganligi, butun dunyoda ushbu kun keng koʼlamda nishonlanayotganligi haqida gapirdi.

 

Jumladan yurtimizda joriy yil 8-oktabrda Toshkent Tibbiyot akademiyasida tashkil etilgan "Talaba qizlar forumi" doirasida O'zbekiston Respublikasi Mahalla va oilani qoʼllab-quvvatlash vazirligi bilan hamkorlikda "Qizlarni sogʼlom va barkamol shaxs sifatida tarbiyalash – Uchinchi Renessans poydevorini yaratishning muhim sharti" mavzusida ilmiy-amaliy konferentsiya oʼtkazilganligi yaqqol misol boʼla oladi.

 

Filialda tahsil olayotgan faol qizlar uchun motivatsion tadbir oʼtkazish maqsadida, filialda tashkil etilgan "Orzu maqsadlar sari" psixologik markazi psixolog-trenerlari tomonidan "Baxtli oila qurish sirlari" mavzusidagi qiziqarli trening hamda “Psixologdan 15 ta muhim ochilmagan sirlar” mavzusida qiziqarli seminar oʼtkazildi. Seminar-trening savol-javoblar, qiziqarli bahs-munozaralar tarzida koʼtarinki ruhda oʼtkazildi. Talaba-qizlar oʼzlarini qiziqtirgan savollariga javob oldilar.

 

 

Аyni paytda xalqaro qizlar kuni munosabati bilan Yu.Rajabiy nomidagi viloyat drama teatrida bayram tadbiri oʼtkazilmoqda.