Mirzo Ulugʻbek nomidagi Oʻzbekiston Milliy universiteti Jizzax filiali talabasi “MDHning eng yaxshi talabasi-2020” xalqaro tanlovida  faxrli I oʻrinni egalladi.

OʻzMU Jizzax filialining Amaliy matematika fakulteti birinchi bosqich talabasi Raxmatov Dilmurod Qozogʻistonning Nursultan shahrida oʻtkazilgan “MDHning eng yaxshi talabasi-2020” xalqaro tanlovida faxrli I oʻrinni egalladi.

Ushbu loyihaning asosiy maqsadi MDH davlatlarining oliy taʼlim muassasalari talabalarini qoʻllab-quvvatlash, ilm-fan, texnika rivojlanishiga hissa qoʻshayotgan yoshlarni aniqlab, ularni munosib ragʻbatlantirish hisoblanadi. 

Tanlov natijalariga koʻra, filial talabasi Raxmatov Dilmurodning ilmiy ishlari, qoʻlga kiritgan natijalari hisobga olingan holda I oʻringa munosib deb topildi. Dilmurod “MDHning eng yaxshi talabasi-2020”  yozuvi tushirilgan koʻkrak nishoni va I darajali diplom bilan taqdirlandi. 

Talaba shu kunga qadar "Viloyat hokimi" stipendiyasi sohibi hamda bir nechta xalqaro va respublika tanlovlari sovrindori bo`lgan.

Loyiha doirasida MDH mamlakatlari oliy taʼlim muassasalarining qobiliyatli, xalqaro olimpiada va tanlovlarning gʻoliblari boʻlgan talabalarning yutuqlarini aks ettiruvchi “Xalqaro iqtidorli yoshlar ensiklopediyasi” nashrdan chiqdi.

Filial Axborot xizmati.