Filial talabalari $5000 mablag' qiymatidagi grant sohibiga aylandi. 

Rossiya, Yaponiya va BMT taraqqiyot dasturining moliyaviy ko'magi asosida "Startap tashabbuslari" 5-davri ham o'z nihoyasi yetdi. Unga ko'ra O'zbekiston Respublikasidagi 745 ga yaqin startaplar o'rtasida o'zaro tanlov o'tkazilib yakuniy bosqichga 40 ta loyiha yetib keldi. 

Quvonarlisi, ushbu g'olib loyihalar qatorida O'zMU Jizzax filiali "Amaliy matematika" fakulteti talabasi Raxmatov Dilmurod rahbarligidagi ARMOBILE loyihasi ham g'olib bo'ldi. 

Taqdirlash marosimi O'zbekiston yoshlar forumi - 2021 doirasida Innovatsion rivojlanish vazirligida 20-22 dekabr kunlari bo'lib o'tdi. G'olib loyiha egalariga statuetka, $5000, 5 million so'mlik vaucher, sertifikat va qimmatbaho sovg'alar taqdim etildi. 

Jamoada bundan tashqari, "Amaliy matematika" fakulteti talabalari Qurbonov Sharof va Egamberdiyeva Layloning mavjudligi ham loyiha filialda amalga oshirilayotgan startap ekotizimining yorqin namunasi ekanligini isbotlaydi. 

Barcha g'olib talabalarni va ularning ota-onalarini filial rahbariyati, o'qituvchilar va talabalari nomidan muborakbod etamiz.