TABRIKNOMA

Muhtaram professor-o'qituvchilar hamda talabalar!

Betakror diyorimizga yangi – 2022-yil kirib kelmoqda.

Siz azizlarni, mo‘tabar  opa-singillarimiz, navqiron yoshlarimizni – ko‘p millatli butun xalqimizni ushbu go‘zal ayyom bilan chin qalbimdan tabriklayman.

Barchangizga sihat-salomatlik, tinchlik-xotirjamlik, baxtu saodat va farovonlik tilayman.

Aziz talabalar!

O‘tib borayotgan yil jamiyatimizning ma’naviy-ma’rifiy hayotida ham muhim voqealarga boy bo‘ldi.

Xorijiy davlatlar, avvalo, yaqin qo‘shnilarimiz bilan do‘stlik va hamkorlikni yanada kuchaytirdik, filialimizning xalqaro nufuzini yuksaltirish borasida salmoqli ishlar amalga oshirildi.

Biz kirib kelayotgan 2022-yilga yaxshi niyat va katta rejalar bilan qadam qo'ymoqdamiz.

Yangi yilda ta'lim sohasida boshlagan keng ko‘lamli islohotlarimizni izchil davom ettiramiz.

2022-yilda davlatimiz mustaqilligiga 31 yil to‘ladi. Ushbu shonli sanani, inshoolloh, barchamiz birgalikda munosib nishonlaymiz.

Prezidentimiz takidlaganidek Yangi O‘zbekistonni barpo etish, milliy yuksalish poydevorini yaratishga qaratilgan ulkan ishlarimizni biz sizdek yoshlar bilan quramiz.

Aziz hodimlarim,qadrdonlarim!

Shu go‘zal oqshomda barchamizning niyatimiz, tilagimiz bitta:

yurtimizda yashayotgan har bir oila, har bir inson murod-maqsadiga yetsin!

Jonajon O‘zbekistonimiz gullab-yashnasin, dunyomiz tinch bo‘lsin!

Kirib kelayotgan 2022-yil ona diyorimizga fayzu baraka, yangi yutuq va zafarlar olib kelsin!

Yangi yil barchamizga muborak bo‘lsin!

Olim Turakulov 

Oʻzbekiston Milliy universiteti Jizzax filiali direktori