Dilmurod Raxmatov, O'zbekiston Milliy universitetining Jizzax filiali "Amaliy matematika" fakulteti talabasi, Islom Karimov nomli davlat stipendiyasi tanlovi g'olibi:

- "Ta'limda zamonaviy axborot texnologiyalari" mavzusida, professor Olim Xolbutayevich ilmiy rahbarligida tadqiqot olib bormoqdaman. 

Bugungi kungacha ilmiy tadqiqotlarim natijasi sifatida 7 ta tildagi kitob, 1 ta xalqaro darajadagi kollektiv monografiya, 6 ta EHM uchun mualliflik huquqi, 25 ta xalqaro va 24 dan ziyod respublika miqyosida maqolalarim e'lon qilindi. Bundan tashqari ketma-ket ikki maratoba respublika miqyosida "Yil talabasi" deb e'tirof etildim. Jamoaviy tarzda 5 ga yaqin startap loyihalar uchun grant mablag'larini qo'lga kiritdik. Bir nechta xalqaro va respublika loyihalar tanlovida munosib ishtirok etib, g'olib bo'lishga musharraf bo'ldim. Bugungi davlat stipendiyasini qo'lga kiritishim yo'lida o'qituvchilarim ko'rsatgan yo'l va bergan maslahatlarining o'rni beqiyosdir. Har bir talabaning eng katta orzusi bu albatta stipendiant bo'lishlik hisoblanadi. Filialimizda yaratilgan shart-sharoitlar va doimiy qo'llab-quvvatlov natijasida bugun mana shu nomga ega bo'ldim deb hisoblayman.