O'zMU Jizzax filialda Jizzax viloyatida ilk bor tashkil etilgan Birlashgan Millatlar Tashkiloti Jizzax yoshlari modeli bo'lib o'tdi.

Unda  30 yaqin iqtidorli talabalar ishtirok etdi. Konferensiya davomida yoshlar dunyoning turli davlatlaridan tashrif buyurgan delegat sifatida o‘z pozitsiyalarini himoya qilib, xalqaro miqyosdagi iqtisodiy-siyosiy muammolarni muhokama qildi. Ishtirokchilar kun tartibida qo‘yilgan mavzular muhokamalari bo‘yicha rezolyutsiyani qabul qildi. 

Yakunda eng faol qatnashchilar tashkilotchilar tomonidan sertifikat va xalqaro darajadagi tavsiyanomalar bilan taqdirlandi.

Konferensiya Iqtidorli talabalarning ilmiy-tadqiqot faoliyatini tashkil etish sektori tomonidan tashkil etildi.