O‘zbekiston Milliy universitetining Jizzax filiali “Amaliy matematika” fakultetida “Jamiyatda xotin-qizlar faolligini oshirish, talaba –qizlar ma’naviyatini yuksaltirish” mavzusida davra suhbati o‘tkazildi.

Joriy yilning 27-aprel kuni OʻzMU Jizzax filiali “Amaliy matematika” fakultetida tahsil olayotgan talaba qizlarning onalari, talabalar hamda filial jamoasining uchrashuvi boʻlib oʻtdi. Tadbir mehmonlari sifatida Jizzax viloyati IIB “Terrorizm va ekstrimizmga qarshi kurashish” bo‘limi inspektori M.Hamidov, Jizzax shahar IIB boshlig‘i o‘rinbosari M.A. Umarov, Jizzax shahar IIB “Terrorizm va ekstrimizmga qarshi kurashish” bo‘limi boshlig‘i J.Abdullayev, Sh.Rashidov tumani otinoyilari N.Qo‘ziyeva va K. Abdulahadovalar ham ishtirok etishdi. Tadbir davomida odamlar orasida uchrayotgan bank palastik karta firibgarlaridan ogoh bo‘lish, korrupsion vaziyatlar, talaba yoshlar o‘rtasida sodir bo‘layotgan turli jinoiy holatlar, ekstemizm va terrorizmning salbiy oqibatlari hamda jamiyatda xotin-qizlar faolligini oshirish, talaba –qizlar ma’naviyatini yuksaltirish haqida, qizlarimizning diniy va dunyoviy bilimlarini sayozligi bundan tashqari davlatimiz tomonidan xotin-qizlarni qoʻllab-quvvatlash borasida olib borilayotgan isloxotlar va ularning amaldagi istiqbollari to‘g‘risida fikr yuritildi.