Joriy yilning 8 -20 sentyabr kunlari respublikamizda  2020-2021 oʻquv yilida respublika oliy taʼlim muassasalarining magistratura mutaxassisliklariga qabul uchun kirish imtihonlari oʻtkaziladi.
2020 yil  9 sentyabr kuni Jizzax politexnika instituti sport zali va axborot resurs markazida 2020-2021 oʻquv yili uchun Jizzax  viloyati oliy taʼlim muassasalarining magistratura mutaxassisliklariga  kirish imtihonlarining 2-kuni boshlandi. 
Onlayn test imtixonlarida ishtirok etadigan abituriyentlar magistratura imtihonlarida ishtirok etish uchun  pasport va ruxsatnoma bilan kiritilyapti. Imtihon qatnashchilarining ijtimoiy  masofa saqlagan holda harakatlanishi taʼminlanmoqda. 
Ularning tana harorati oʻlchanib, bir martalik tibbiy niqob, qoʻlqop,  ruchka va ichimlik suv bilan taʼminlanishayapti. Imtihon oʻtkazishga tayyorlangan institut sport zali  va Axborot resurs markazi bir vaqtning oʻzida 150 nafar abituriyentning onlayn imtihon topshirishiga moslashtirilgan. Onlayn imtixonlar 2 smenada soat 10: 00 da va 14:00 da oʻtkazilmoqda.Magistraturaga kirish imtihonlari shaffoflikni taʼminlash maqsadida toʻliq videokuzatuv kameralari nazorati ostida oʻtkazilayapti.

Filial Axborot xizmati