Mirzo Ulug'bek nomidagi O'zbekiston Milliy universitetining Jizzax filiali "Ijtimoiy va iqtisodiy fanlar" kafedrasi professor- o'qituvchilari tomonidan Zomin tumanida joylashgan 51-sonli umumta’lim maktablari bitiruvchilari uchun filialda “Ochiq eshiklar kuni”  tadbiri o’tkazildi.

“Ochiq eshiklar kuni” tadbirida filial rahbariyati hamda yuqoridagi maktablarga biriktirilgan mas'ullar: "Ijtimoiy va iqtisodiy fanlar" kafedrasi assistenti S.Saitov va kafedra assistenti B.Xaydarov va bir qator professor-o'qituvchilar hamda maktab bitiruvchilari va ularning ustozlari hamda maktab psixologi Z.Eshmurodova ishtirok etishdi.

Tadbirda o'quvchi-yoshlarga Mirzo Ulug'bek nomidagi O'zbekiston Milliy universitetining Jizzax filiali, uning tarixi, bugungi kundagi ta'lim jarayoni, talabalar uchun yaratilgan imkoniyatlar haqida batafsil ma'lumot berildi. Bundan tashqari, o'quvchilar filialning Axborot resurs Markazi, Inkubatsiya va akseleratsiya markazi, xorijiy adabiyotlar o‘quv zali, marketing va amaliyotlarni tashkil etish bo‘limi, talabalar turar joyi, filial fakultetlari, kafedralari va yetakchi professor-o‘qituvchilar hamda filialning iqtidorli talabalari va filialda yaratilgan sharoitlar bilan tanishtirildi. 

“Ochiq eshiklar kuni” tadbiri qiziqarli va mazmunli tashkil etildi, bitiruvchilar o‘zlari qiziqtirgan savollarga javob olishdi.