Rahbar va yoshlar uchrashuvi: hech bir tashabbus eʼtiborsiz qolmaydi.

Viloyat hokimining Yoshlar siyosati,Ijtimoiy rivojlantirish va ma'naviy ma'rifiy ishlar bo'yicha o'rinbosari Savurbayev Akmal Abdumuminovich Oʻzbekiston Milliy universiteti Jizzax filiali talaba yoshlari bilan uchrashdi.

Ochiq va samimiy kechgan uchrashuv davomida yoshlarning ishga joylashish, bank krediti, huquqiy yordam va tadbirkorlik faoliyatini boshlashga oid murojaat hamda takliflari tinglandi.

Yoshlar tomonidan o‘rtaga tashlangan masalalarning aksariyati joyida hal etildi. Kredit olish va ishga joylashish istagidagi yoshlar bilan bank hamda bandlik mutasaddilari shug‘ullanishi yuzasidan ko‘rsatma berildi. Bir necha murojaat esa viloyat miqyosida ko‘rib chiqiladigan bo‘ldi.

Murojaat, taklif va tashabbuslarning ko‘rib chiqilishi, shuningdek, masʼullar zimmasiga yuklatilgan vazifalarning bajarilishi kelgusi uchrashuvlarda muhokama qilib borilishi belgilab olindi.