O‘zbekiston Respublikasi Prezidenti Shavkat Mirziyoyevning BMT Bosh Assambleyasining 75-sessiyasida so‘zlagan nutqi O‘zbekiston Milliy universiteti Jizzax filiali jamoasi tomonidan katta taassurot bilan kutib olindi.
Joriy yilning 26 sentyabr kuni Prezidenti Shavkat Mirziyoyevning BMT Bosh Assambleyasining 75-sessiyasida so‘zlagan nutqi muhokamasiga bag‘ishlangan davra suhbati tashkil etildi.
 “Zoom” dasturi orqali onlayn tashkil etilgan davra suhbatida filial direktori O.Turakulov, direktor o‘rinbosarlari, fakultet dekanlari, kafedra mudirlari hamda filialda faoliyat yuritayotgan professor-o‘qituvchilar va xodimlar ishtirok etishdi.
Ushbu tadbirda so‘zga chiqqanlar, Muhtaram Prezidentimizning BMT Bosh Assambleyasining 75-sessiyasida o‘zbek tilida nutq so‘zlab, kambag‘allikka qarshi kurash, ekologiya, inson huquqlari, mintaqaviy hamkorlik, xavfsizlik va boshqa sohalarda berib o‘tgan takliflari qatorida Jamiyatni siyosiy, ijtimoiy va iqtisodiy modernizasiya qilish bo‘yicha keng ko‘lamli chora-tadbirlar natijasida tobora yuksalib borayotgan yangi O‘zbekistonda yoshlar siyosatini qaror toptirish borasida keltirib o‘tgan fikrlarini alohida ta’kidlab o‘tishdi.