O‘zbekiston Respublikasi Prezidentining 2020 yil 2 martdagi PF-5953-son Farmoniga muvofiq, xotin-qizlarning oliy ta’lim muassasalarida tahsil olishlari uchun yanada keng imkoniyatlar yaratish maqsadida ular uchun ajratilgan alohida 4 foizli qo‘shimcha qabul ko‘rsatkichlari mazkur yo‘nalishdagi yana bir muhim qadam bo‘ldi.
Shunday yaratilgan imkoniyatdan foydalangan yoshlarning 2 nafari O‘zbekiston milliy universiteti Jizzax filialining davlat granti asosida tahsil oladigan talabasiga aylandi.
Shu munosabat bilan, 2020 yil 4 oktyabr kuni filial rahbariyati Jizzax shahri So‘loqli MFY S.Bekmurodov 4 xonadonda istiqomat qiladigan Qodirova Oydin xonadoniga tashrif buyurdilar. Filial direktori O.X.Turakulov talabalik baxtiga muyassar bo‘lgan O.Qodirova va uning ota-onasiga mamlakatimizda xotin-qizlarga berilayotgan shart-sharoit, imkoniyatlardan to‘g‘ri va oqilona foydalangani bilan samimiy muborakbod etdi.
 O‘zbekiston milliy universiteti Jizzax filiali jamoasi muhtaram Prezidentimizning tashabbusi bilan berilgan imkoniyatning ilk sovrindorlari bo‘lgan O.Qodirovaga esdalik sovg‘alar hamda O‘zbekiston milliy universiteti Jizzax filiali direktori O.X.Turakulovning tabriknomasini taqdim etdilar.