O‘zMU Jizzax filialida besh yillik ish staji va tegishli tavsiyanomaga ega fuqarolarni o‘qishga qabul qilish bo‘yicha suhbatlar o‘tkazildi 

O‘zR ta’lim muassasalariga qabul qilish bo‘yicha Davlat komissiyasining 2-son majlis bayoni qarori bilan 79 ta vazirlik, idora va yirik xo‘jalik birlashmalariga iqtisodiyot tarmoqlarida kamida besh yil ish stajiga ega bo‘lgan xodimlarini 2020/2021 o‘quv yilida respublika oliy ta’lim muassasalarining sirtqi va kechki ta’lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga tavsiya etish huquqi berilgan edi.

O‘zbekiston Milliy universiteti Jizzax filialida  Davlat komissiyasining bayonlarida belgilangan vazifalar ijrosini ta’minlash maqsadida filial direktori O.Turakulov raisligidagi maxsus komissiya a’zolari tomonidan tegishli tavsiyanomaga ega nomzodlar uchun suhbat tashkil etildi. 
Yetarli  ish stajiga ega bo‘lgan fuqarolar suhbat natijalariga ko‘ra filialga tegishli ta’lim yo‘nalishlariga sirtqi ta’lim shakliga tabaqalashtirilgan to‘lov-kontrakt asosida o‘qishga qabul qilinadi.